प्रफुल्ल पटेल आणि तटकरेंनी केली विनंती भुजबळांची माहिती
नाशिक : आज शिर्डी येथे सुरू होणाऱ्या अजित पवार गटाच्या राष्ट्रवादीच्या अधिवेशनाला छगन भुजबळ दाखल झाल्याने राजकीय वर्तुळात चर्चेला उधाण आले असून मंत्रिमंडळात स्थान न मिळाल्याने छगन भुजबळ कमालीचे नाराज होते. ते अधिवेधनाला जाणार नसल्याची चर्चा सुरू होती मात्र राष्ट्रवादी पक्षाचे नेते तटकरे यांनी छगन भुजबळ हे पक्षाच्या अधिवेशनाला उपस्थित राहतील असे बोलून दाखवले होते .आज छगन भुजबळ हे अधिवेशनाला उपस्थित राहिल्याने पक्षाला भुजबळांची नाराजी दूर करण्यात यश आले आहे का ? त्याचबरोबर आज पहिल्यांदाच अजित पवार आणि छगन भुजबळ एकाच व्यासपीठावर येणार असून भुजबळ आज मंचावरून काय बोलणार याकडे कार्यकर्त्यांचे लक्ष लागून आहे. सुनील तटकरे आणि प्रफुल्ल पटेल यांनी केलेल्या विनंतीमुळे मी काहीवेळा साठी अधिवेशनाला आल्याची माहिती भुजबळ यांनी मीडियाला दिली.
