मनसे,कॉग्रेस, ठाकरे गटाचे नगरसेवक शिंदे गटाच्या शिवसेनेत
नाशिक : महापालिका निवडणुकीच्या तोंडावर शिंदे सेनेच्या शिवसेनेने ऑपरेशन टायगर करत महाविकास आघाडी फोडण्यास सुरवात केली असून नाशिक शहरात महाविकास आघाडीतील पक्षांचे नगरसेवक, नेते, शिंदे गटाच्या शिवसेनेच्या गळात अडकत असल्याचे चित्र असून काही दिवसांपूर्वी कॉग्रेसच्या डॉ हेमलता पाटील यांच्यासह ठाकरे गटाच्या शिवसेनेचे माजी उपमहापौर रंजना बोराडे, ठाकरेंच्या राज्य कार्यकारिणीचे माजी सदस्य दीपक दातीर यांनी शिंदेच्या शिवसेनेत प्रवेश केला असतानाच आज पुन्हा महाराष्ट्र नवनिर्माण सेनेला धक्का देण्यात शिंदे गटाची शिवसेना यशस्वी झाली असून मनसे सातपूर प्रभाग समितीचे माजी सभापती योगेश शेवरे यांनी शिंदे गटाच्या शिवसेनेत प्रवेश केला असून त्याचबरोबर काँग्रेस महिला आघाडीच्या जिल्हाध्यक्ष वंदना पाटील यांनी देखील शिंदे गटाच्या शिवसेनेत प्रवेश केला आहे. त्याचबरोबर विधानसभा निवडणुकीच्या तोंडावर ठाकरे गटाच्या शिवसेनेत प्रवेश करणारे माजी नगरसेवक पवन पवार यांनी देखील अगदी काही दिवसात ठाकरे गटाला सोडचिठ्ठी देत शिंदे गटाच्या शिवसेनेत प्रवेश केला . हा प्रवेश सोहळा ठाणे येथे उपमुख्यमंत्री एकनाथ शिंदे यांच्या उपस्थितीत पार पडला यावेळी उपनेते, जिल्हा संपर्क प्रमुख विजय करंजकर,सहसंपर्क प्रमुख राजू लवटे,महानगर प्रमुख प्रवीण तिदमे उपस्थित होते.
