त्या शिवसेनेतच पडद्यामागचे खरे गद्दार करंजकर यांचा ठाकरे गटावर निशाणा
नाशिक :लोकसभा निवडणुका सुरू झाल्यापासून नाशिक लोकसभा मतदारसंघात रोज नव-नवीन ट्विस्ट बघायला मिळत आहेत. त्यात काल रात्री उमेदवारी न मिळाल्यामुळे नाराज असलेले ठाकरे गटाचे शिलेदार विजय करंजकर यांनी धनुष्य हातात घेत मुख्यमंत्री एकनाथ शिंदे यांच्या उपस्थितीत शिंदे गटाच्या शिवसेनेत प्रवेश केला. यावेळी करंजकर म्हणाले मला आश्वासन दिले, प्रचार करायला लावला आणि जे इच्छुक नव्हते त्यांना उमेदवारी देण्यात आल्याने माझ्याबरोबर गद्दारी झाली आहे. त्या दोन ते तीन लोकांवर शिवसेना चालते आणि तेच पडद्यामागचे खरे गद्दार असल्याचे करंजकर म्हणाले . त्यांच्या सोबत मा नगरसेवक भागवत आरोटे, ठाकरे गटाचे उपजिल्हा प्रमुख दीपक खुळे शहर प्रमुख भगूर विक्रम सोनवणे, पंचायत समिती सभापती, इगतपुरी रंगनाथ कचरे, इगतपुरी तालुका प्रमुख युवासेना मोहन बहे ,कृषी उत्पन्न बाजार समिती उपसभापती संजय तुंगार, शेतकी संघ ली नाशिक बबनराव कागणे,व्यापारी संघटना ना. रोड अध्यक्ष संदीप गणोरे, उपमहानगर प्रमुख योगेश गांगुर्डे,उपतालुका प्रमुख इगतपुरी पंडितराव कातोरे,शिवदूत शिवसेना दत्तात्रय गुंजाळ, युवासेना संघटक विधानसभा इगतपुरी विनोद भागळे, गटप्रमुख वाडीवरे दिलीप मुसळे, युवासेना सरचिटणीस इगतपुरी विकास शिरसाठ, विद्यार्थी सेना शहरप्रमुख इगतपुरी संकेत कोरडे, गणप्रमुख शिरसाळे बाळासाहेब गोवर्धने, इगतपुरी शहरप्रमुख युवासेना भूषण जाधव आदींनी विजय करंजकर यांच्यासोबत शिंदे गटाच्या शिवसेनेत प्रवेश केला असून येत्या काही दिवसात नाशिक शहरात अजूनही महत्वाचे प्रवेश शिंदे गटाच्या शिवसेनेत होणार असल्याचे समजते .यावेळी पालकमंत्री दादा भुसे, भाऊसाहेब चौधरी, अजय बोरस्ते,राजू लवटे महानगर प्रमुख प्रवीण तिदमे उपस्थित होते .शिंदे गटात प्रवेश झाल्या बरोबर शिंदे गटाच्या उपनेतेपदी व जिल्हा संपर्क प्रमुखपदी विजय करंजकर यांची नियुक्ती करण्यात आली.
