दगडाने भरलेल्या डंपरखाली सापडून दोन तरुण ठार ठार
नाशिक : त्रंबकेश्वर रस्त्यावर आज दुपारच्या सुमारास भयंकर अपघात झाल्यानंतर अपघाताचा हा व्हिडीओ सोशल मीडियावर व्हायरल झाल्यावर नागरिकांच्या काळजाचा ठोकाच चुकला. या अपघातात दोन पर्यटक तरुणांचा दुर्देवी मृत्यू झाला. मिळालेल्या माहितीनुसार ही घटना त्र्यंबकेश्वर गेस्टहाऊसजवळ दुपारी साडेतीनच्या सुमारास घडली. डंपर उतारावरून वेगाने येत असताना, समोरून चुकीच्या बाजूने सिलिंडरने भरलेला एक ‘छोटा हत्ती’ टेम्पो आला. या टेम्पोला वाचवण्याच्या नादात डंपर चालकाने अचानक जोरात ब्रेक लावला. मात्र, डंपरमध्ये वजनी दगड असल्याने चालकाचे नियंत्रण सुटले आणि तो थेट दुचाकीवर उलटला. बुलढाणा जिल्ह्यातील त्र्यंबकेश्वर देवाच्या दर्शनासाठी आलेले शिवम राजेश उबेरहांडे (२२, रा. पांगरी उंबरहांडे) आणि भूमिका समाधान खेडेकर (२१, रा. अंतरी खेडेकर) हे दोघे दुचाकीवरून जात असताना डंपर त्यांच्या अंगावरच कोसळला. डंपरमधील मोठे दगड थेट या दोघांवर पडल्याने त्यांचा जागीच मृत्यू झाला.यामध्ये दोन तरुणांचा असा दुर्दैवी अंत झाल्याने परिसरात शोककळा पसरली आहे. CCTV या अपघाताचे दृश्य कैद झाले असून, जर तो सिलिंडरचा टेम्पो चुकीच्या बाजूने आला नसता, तर डंपर चालकाला ब्रेक दाबण्याची गरज पडली नसती.या अपघातामुळे परिसरात हळहळ व्यक्त करण्यात येत आहे. पोलिसांनी मृतदेह ताब्यात घेतले असून, दोषींवर गुन्हा दाखल करण्याची प्रक्रिया सुरू आहे.
