सुहास कांदे यांच्यासह 45 उमेदवारांची यादी जाहीर
नाशिक : महाराष्ट्र विधानसभा निवडणुकीसाठी मुख्यमंत्री एकनाथ शिंदे यांच्या नेतृत्वातील शिवसेनेकडून उमेदवारांची पहिली यादी जाहीर करण्यात आली आहे. या यादीत अनेक विद्यमान आमदारांना संधी देण्यात आली आहे. यामध्ये नाशिक जिल्ह्यातून दादा भुसे (मालेगाव बाह्य) सुहास कांदे (नांदगाव) या विद्यमान आमदारांना पुन्हा उमेदवारी देण्यात आली आहे. नांदगाव मतदारसंघातुन सुहास कांदे यांना उमेदवारी दिल्याने या मतदारसंघात महायुतीची म्हणजेच मुख्यमंत्री एकनाथ शिंदे यांची डोकेदुखी वाढली असून याठिकाणी मित्र पक्ष असलेल्या अजित पवार गटाचे मा खा समीर भुजबळ हे आता बंडखोरी करण्याच्या तयारीत असून ते महायुती ला बाय-बाय करून महाविकास आघाडीच्या गाडीत बसण्याची शक्यता आहे मात्र समीर भुजबळ हे नेमके मशाल किंवा तुतारी यापैकी काय हातात घेऊन निवडणुकीच्या मैदानात उतरतात हे येत्या काही दिवसात कळेल मात्र हा मतदारसंघ महायुती साठी डोकेदुखी ठरणार हे निश्चित
