ठाकरे गटाच्या शिवसेनेची पहिली यादी जाहीर
नाशिक : महाविकास आघाडीत जागा वाटपाचा तिढा अजूनही सुटलेला नसताना ठाकरे गटाच्या शिवसेनेची पहिली यादी आज जाहीर करण्यात आली. या यादीतुन ठाकरे गटाने 65 उमेदवारांना संधी दिली आहे .यामध्ये अनेक नव्या आणि जुन्या चेहऱ्यांना संधी देण्यात आली आहे. शिवसेना पक्ष फुटल्यानंतर महाराष्ट्रात होणाऱ्या विधानसभेच्या निवडणुकांना पहिल्यांदाच ठाकरे गटाची शिवसेना सामोरे जात आहे. यादरम्यान महाविकास आघाडीत मध्य नाशिक मतदारसंघावरून कॉग्रेस, ठाकरे गट शिवसेना, शरद पवार राष्ट्रवादी गट यामध्ये मोठ्या पप्रमाणात रस्सीखेच सुरू असतानाच आज ठाकरे गटाच्या शिवसेनेने बाजी मारत पहिल्याच यादीत नाशिक मध्य मधून वसंतराव गिते, आणि नाशिक पश्चिम मतदारसंघातून सुधाकर बडगुजर यांची नावे जाहीर केली.मुख्य म्हणजे ठाकरे गटाच्या शिवसेनेने 15 पैकी 14 आमदारांना पुन्हा एकदा पहिल्या यादीमध्ये स्थान दिले आहे.यापूर्वी 40 पेक्षा जास्त उमेदवारांना ठाकरे गटाकडून एबी फार्म देण्यात आले आहेत.आदित्य ठाकरेंना वरळी मतदारसंघातून उमेदवारी देण्यात आली आहे.
