“पश्चिम”कमी मतदान कोणाला विजयाच्या जवळ नेणार ?

लाडकी बहीण नेमकी कोणाच्या मागे ? खान्देशी मतदारांच्या भूमिकेकडे लक्ष

नाशिक : पश्चिम विधानसभा मतदारसंघात भाजप महायुतीने विद्यमान आमदार सीमा हिरे यांना उमेदवारी जाहीर करत बाजी मारली. मात्र मतदारसंघात स्वपक्षाच्या नेत्यांनी बंडखोरी केल्यामुळे भाजपची डोकेदुखी वाढली होती. थोड्याफार प्रमाणात बंडखोरी थोपवण्यात भाजपला यश आले. तर इकडे शिवसेना ठाकरे गट व महाविकास आघाडीच्या वतीने सुधाकर बडगुजर  यांना उमेदवारी जाहीर झाल्याने या दोन उमेदवारांमध्ये लढत होती. मात्र ऐनवेळी भाजपचे बंडखोर दिनकर पाटील यांनी महाराष्ट्र नवनिर्माण सेनेत प्रवेश करत उमेदवारी मिळवल्याने या ठिकाणी  तिरंगी लढत बघायला मिळणार आहे. दिनकर पाटील यांनी भाजप कडून लोकसभा निवडणूक लढवण्यासाठी आधीच तयारी केल्याने त्यांची ही तयारी विधानसभेसाठी उपयुक्त ठरली. सिडको परिसरात सुधाकर बडगुजर यांच्यासाठी चांगले वातावरण होते तर सातपूर परिसरात दिनकर पाटील यांचा बोल-बाला असल्याचे चित्र होते त्याचबरोबर बहुसंख्येने असलेले खान्देशी मतदार पुन्हा एकदा भाजपच्या बाजूने झुकतात का हे पाहणे महत्वाचे ठरणार आहे. त्याचबरोबर राज ठाकरे यांच्या सभेनंतर मतदारांनमध्ये चर्चा होती त्यामुळे पुन्हा एकदा राज ठाकरे यांचा करिष्मा चालतो का याकडे राजकीय निरीक्षकांचे लक्ष लागून आहे. मुख्य म्हणजे पश्चिम मतदारसंघात कामगार नेते डॉ डी. एल .कराड हे यावेळी ठाकरे गटाच्या शिवसेनेचे उमेदवार सुधाकर बडगुजर यांच्या पाठीशी असल्याने प्रत्येक निवडणुकीत ते 17 ते 20 हजार मते मिळवतात यावेळी हे मतदान बडगुजरांकडे वळवण्यात कराड यशस्वी होतील का हा देखील महत्वाचा मुद्दा आहे. नाशिक जिल्ह्यात सर्वाधिक 2 लाख 26 हजार 87 महिला मतदार याच मतदारसंघात होत्या त्यापैकी 56 टक्के महिलांनी आपला हक्क बजावला आहे. या लाडक्या बहिणी पुन्हा एकदा सीमा हिरे यांच्या मागे भक्कमपणे उभ्या राहतात का हे बघणे देखील महत्वाचे ठरेल .या मतदारसंघात खटकणारी गोष्ट म्हणजे सर्वात जास्त मतदार या मतदारसंघात असताना सर्वात कमी झालेले मतदान कोणाच्या फायद्याचे ठरणार 56.71 मतदान या मतदारसंघात झाले आहे .भाजप आणि ठाकरे गटाच्या शिवसेनेत झालेला राडा यामुळे हा मतदारसंघ प्रकाशझोतात होता .त्यामुळे सीमा हिरे यांच्या मागे खान्देशी मतदार जाणार का अथवा कसमा की उत्तर भारतीय मतदान महत्वाचे ठरणार अथवा यांच्या मतविभाजनाचा फायदा दिनकर पाटील यांना होणार हे उद्याच्या मतमोजणीतच समजेल. 2009 चा निकाल असा– नितीन भोसले-मनसे- 52,855, नाना महाले-राष्ट्रवादी-28,117, दशरथ पाटील -अपक्ष- 19,734,डॉ डी. एल. कराड-सिपीएम-18,812,राहुल आहेर-भाजप- 14206            2014 चा निकाल असा–  सीमा हिरे-भाजप-67,489,सुधाकर बडगुजर-शिवसेना-37,819, शिवाजी चुभळे-राष्ट्रवादी-30,236 , दशरथ पाटील- कॉग्रेस-21,981 डॉ डी. एल. कराड-सिपीएम-16,870              2019 चा निकाल असा– सीमा हिरे -भाजप-78,041, डॉ अपूर्व हिरे-राष्ट्रवादी-68,295,दिलीप दातीर-मनसे-25,501,डॉ डी.एल. कराड-सिपीएम-22,657, विलास शिंदे- अपक्ष-16,429