अपक्ष नगरसेवक मुकेश शहाणे अन् मनसेच्या एकमेव नगरसेविकेला लॉटरी
नाशिक : नाशिक महापालिकेच्या महासभेत स्थायी समितीच्या सदस्यांची बिनविरोध निवड करण्यात आली आहे. नाशिक महापालिकेच्या आज (सोमवार दि. 16) झालेल्या महासभेत स्थायी समितीच्या सदस्यांची बिनविरोध निवड करण्यात आली. पक्षांच्या गटनेत्यांनी सुचवलेली नावे महापौर हिमगौरी आहेर-आडके यांच्याकडे सुपूर्द केल्यानंतर महापौरांनी अधिकृत घोषणा केली आणि नवनिर्वाचित सदस्यांचे स्वागत करण्यात आले. या निवडीत भारतीय जनता पार्टीला 9 जागा मिळाल्या असून शिंदे गटाच्या शिवसेना 4, ठाकरे गटाच्या शिवसेनेला 2 तर राष्ट्रवादी काँग्रेस पार्टीला 1 जागा मिळाली आहे. यामध्ये : भाजप (9) माधुरी बोलकर, नितीन निगळ, पल्लवी गणोरे, दीपाली कुलकर्णी, इंदूबाई खेताडे, आदिती पांडे, सरिता सोनवणे, जयश्री गायकवाड, मच्छिंद्र सानप यांचा समावेश आहे. : शिंदे गटाची शिवसेना (4) मयुरी पवार (मनसे), किरण गामने, राहुल दिवे, रंजना बोराडे :ठाकरेंची शिवसेना (2):
योगेश गाडेकर, भारती ताजनपुरे : राष्ट्रवादी काँग्रेस (अजित पवार) – 1
मुकेश शहाणे (अपक्ष) दरम्यान, मनसेच्या मयुरी पवार यांनी शिंदे गटाच्या शिवसेनेसह गटनोंदणी केल्यामुळे त्यांची पहिल्याच टप्प्यात स्थायी समितीवर वर्णी लागली. तर अपक्ष निवडून आलेले मुकेश शहाणे राष्ट्रवादी काँग्रेस बरोब्बर गेल्यामुळे त्यांना देखील लॉटरी लागल्याची चर्चा आहे.
स्थायी समिती सभापती पदासाठी आता भाजपमध्ये जोरदार स्पर्धा रंगणार असल्याचे संकेत आहेत. उपमहापौर पदाची संधी ऐनवेळी गमावलेले मच्छिंद्र सानप, महापौर पदाच्या शर्यतीत असलेल्या दीपाली कुलकर्णी आणि माधुरी बोलकर ही नावे सभापती पदासाठी आघाडीवर असल्याची चर्चा राजकीय वर्तुळात आहे.
