एकीकडे दिगग्ज विरोधक पक्षात खेचायचे तर दुसरीकडे मित्र पक्षांना चर्चेत गुंतवत ठेवायचे
नाशिक : उमेदवारी अर्ज भरण्यास मंगळवारपासून प्रारंभ झाला तरीही महायुती असो अथवा महाविकास आघाडी यांच्यामधील चर्चेचे गुऱ्हाळ संपलेले नाही. सुरवातीला 100 प्लसचा नारा देणारी भाजपा युती साठी तयार झाली त्यांपैकी काही नेत्यांनी मध्येच स्वबळाची भाषा सुरू केली. त्यामुळे नेमकं भाजपला स्वबळ हवं की महायुती हेच समजायला मार्ग नसल्याचे स्वताच भाजप कार्यकर्ते बोलत आहेत. एकीकडे भाजप शेवटपर्यंत कॉग्रेस, राष्ट्रवादीतील दिगग्ज विरोधकांना देखील स्वतःकडे खेचून आणण्याचे भाजपचे प्रयत्न सुरू आहेत. भाजपचे कुंभ मंत्री गिरीश महाजन हे नाशिक महापालिकेत युती करण्याचे बोलत आहेत तरीदेखील भाजपच्या शहराध्यक्ष सुनील केदार हे भाजप स्वबळावर निवडणूक लढविणार असल्याच्या घोषणा जाहीरपणे करतात तर निवडणूक प्रमुख म्हणून निवड झालेल्या आमदार देवयानी फरांदे यादेखील सर्वच जागांवर कमळच फुलविणार म्हणत एक प्रकारे स्वबळाचे संकेत देत आहेत. महाजनांकडून युतीबाबत सकारात्मक चर्चा सुरू केल्यानंतर तसेच मित्र पक्षांची एकीकडे बैठकांचे सत्र युतीसाठी बोलणे सुरू असताना भाजपचे प्रमुख पदाधिकारी स्वबळाच्या घोषणा करीत असल्याने संभ्रम निर्माण झाला आहे.त्याचबरोबर शहरातील विरोधी पक्षातील मोठे विरोधकच भाजप खेचण्याचा प्रयत्न करत आहे. त्यामुळे दिग्गज विरोधक संपुष्टात आणण्याचे प्रयत्न भाजपकडून सुरू आहेत त्यामुळे विरोधी पक्षातील स्वबळावर निवडून येण्याची शक्यता असलेल्या नेत्यांनाच आपल्या तंबूत खेचून विरोधकच संपून टाकण्याचा भाजपचा डाव सुरू आहे.त्यामुळे मित्रांनाच गाफील ठेवण्याची रणनिती भाजप तर आखत नाही ना ? अशी शक्यता राजकीय जाणकार व्यक्त करत आहेत.
