पूर्व मतदारसंघाचे भाजप महायुतीचे उमेदवार राहुल ढिकले यांचे वचन
नाशिक : नाशिक पूर्व मतदारसंघासाठी भाजप महायुतीचे उमेदवार आमदार अँड राहुल ढिकले यांचा जोरदार प्रचार सुरू असून त्यांनी जनसामान्य नागरिकांच्या सोडवलेल्या प्रश्नांमुळे नागरिकांमधून जोरदार प्रतिसाद मिळत आहे. सत्तेत आलो तर द्वारका ते दत्तमंदिर दरम्यानचा भारतमाता योजनेअंतर्गत मंजूर उड्डाणपूल मार्गी लावण्यासाठी सर्वात प्रथम प्राधान्य देऊ असे आश्वासन नाशिक पूर्व मतदारसंघासातील भाजपचे उमेदवार आमदार अँड राहुल ढिकले यांनी दिले. अँड राहुल ढिकले यांच्या नाशिकरोड येथील प्रचार कार्यालयाचे उदघाटन बिटको चौक येथे शकुंतला करवा यांच्या हस्ते झाले. त्यावेळी राहुल ढिकले बोलत होते. भाजपचे प्रदेश उपाध्यक्ष बाळासाहेब सानप यांनी दाखविलेला त्याग हा आदर्श असल्याचे सांगत गेल्या वेळच्या विधानसभा निवडणुकीतील लढाईला नकळतपणे उजाळा दिला यावेळी बाळासाहेब सानप, शिवसेना उपनेते विजय करंजकर, राष्ट्रवादी काँग्रेस शहर अध्यक्ष रंजन ठाकरे, संभाजी मोरुस्कर, बाजीराव भागवत, सूर्यकांत लवटे, संगीता गायकवाड, निवृत्ती अरिंगळे, अशोक तापडिया, मनोहर कोरडे, बाबुराव आढाव, रमेश धोंगडे, संजय भालेराव, विशाल संगमनेरे, शरद मोरे, सचिन हांडगे, गणेश उन्हवणे शशिकांत उन्हवणे, राम बाबा पठारे, मंगेश मोरे, गणेश कदम, प्रताप मेहरोलीया , वैशाली दानी, अमोल पगारे, भारत निकम, दिनकर आढाव ,शांताराम घंटे राजेश आढाव, श्याम खोले, हेमंत गायकवाड, नितीन चिडे, बापू सातपुते, नितीन खोले, शिवाजी भोर, विक्रम कदम पंडित आवारे, आदी उपस्थित होते
