चंदीगड : हरियाणाच्या माजी मंत्री सावित्री जिंदाल यांनी काँग्रेसला सोडचिट्टी देत भाजपामध्ये प्रवेश केला. काही दिवसांपूर्वीच त्यांचा मुलगा आणि उद्योगपती नवीन जिंदाल यांनी काँग्रेस सोडून भाजपमध्ये प्रवेश केला होता. हिसार येथे आयोजित एका कार्यक्रमात सावित्री यांनी भाजपमध्ये प्रवेश केला यावेळी हरियाणाचे मुख्यमंत्री नायबसिंग सैनी, माजी मुख्यमंत्री मनोहर लाल कट्टर आणि भाजप नेते उपस्थित होते. सावित्री यांनी म्हटले की मी आमदार म्हणून दहा वर्षे हिसारच्या लोकांचे प्रतिनिधित्व केले आहे. आणि मंत्री म्हणून हरियाणा राज्याची निस्वार्थपणे सेवा केली आहे. हिसारची जनता हे माझे कुटुंब आहे आणि माझ्या कुटुंबाच्या सल्ल्यानुसार मी आज काँग्रेसच्या प्राथमिक सदस्याचा राजीनामा देत आहे यावर्षी “फॉब्स इंडियाच्या” यादीनुसार सावित्री जिंदाल या देशातील सर्वात श्रीमंत महिला आहेत. मासिकानुसार प्रसिद्ध उद्योगपती ओपी जिंदाल यांच्या पत्नी सावित्री जिंदाल यांची संपत्ती 29.1 अब्ज डॉलर आहे
