धुळ्यातील कॉग्रेस पदाधिकारी म्हणतात बाहेरील आयात उमेदवार नको….
नाशिक : धुळे लोकसभा मतदारसंघात महायुतीचे डॉ. सुभाष भामरे यांना तिकीट जाहीर झाल्यानंतर काँग्रेस पक्षाने धुळ्यात मोठी खेळी करत नाशिकच्या डॉ. शोभा बच्छाव यांना काँग्रेस तर्फे उमेदवारी जाहीर करण्यात आली.त्यामुळे धुळे मतदारसंघात दोन डॉक्टरांमध्ये लढत रंगणार आहे. मात्र बाहेरील उमेदवार का आयात केला म्हणत धुळ्यातील कॉग्रेसमधील नाराजीनाट्य उपाळून आल्याचे चित्र आहे .धुळे लोकसभा मतदारसंघात सहा विधानसभा मतदारसंघांचा समावेश होतो. त्यात नाशिक जिल्ह्यातील बागलाण तसेच मालेगाव मध्य व मालेगाव बाह्य असे तीन विधानसभा मतदारसंघ समाविष्ट आहेत. डॉक्टर शोभा बच्छाव या देवळा तालुक्यातील पिंपळगाव वाखरी येथील रहिवासी असून त्यांची सासुरवाडी मालेगाव ब्रह्मा मधील सोनज येथील असल्याने त्यांची उमेदवारी निश्चित मानली जात होती. नाशिक जिल्ह्यातील मतदार संघाचा विचार केल्यास तीन मतदारसंघाची साथ काँग्रेस उमेदवाराला मिळू शकेल अशी राजकीय समीकरणे असल्याने माजी राज्यमंत्री डॉ शोभा बच्छाव यांना काँग्रेसकडून उमेदवारी दिली गेली असल्याचे सांगण्यात येते. त्याचबरोबर डॉक्टर शोभा बच्छाव यांचे वडील धुळ्यात शासकीय नोकरीला असल्याने त्यांचे प्राथमिक शिक्षण धुळ्यात झालेले आहे. डॉ बच्छाव या सण २००९ मध्ये धुळे जिल्ह्याच्या पालकमंत्री होत्या. सध्या धुळे जिल्हा काँग्रेसच्या प्रभारी आहेत डॉक्टर शोभा बच्छाव यांनी नाशिक शहर व जिल्हा काँग्रेस कमिटीचे शहर अध्यक्ष, जिल्हा बँकेच्या उपाध्यक्षाची जबाबदारी सांभाळली आहे मात्र डॉ शोभा बच्छाव यांना काँग्रेस तर्फे उमेदवारी जाहीर झाल्यानंतर बाहेरील उमेदवार का आयात केला ? असे म्हणत धुळे काँग्रेसमध्ये राजीनामा नाट्य सुरू झाल्याचे समजते. यामध्ये नाशिक ग्रामीण जिल्हाध्यक्ष तुषार शेळके व धुळे काँग्रेस जिल्हा अध्यक्ष श्याम सनेर यांनी राजीनामा दिला असून आम्हाला विश्वास न घेता नाशिक मधून उमेदवार आयात केला गेल्याचे म्हणत त्यांनी राजीनामा दिला असून येत्या दोन दिवसात भूमिका स्पष्ट करणार असल्याचे त्यांनी म्हटले आहे. त्यामुळे धुळ्यातील बंडखोरी कॉग्रेस शमवण्यात कॉग्रेसला कितपत यश मिळते हे पाहणे महत्वाचे ठरेल.
