मध्य मतदारसंघासाठी कॉग्रेस व शिवसेना ठाकरे गटात रस्सीखेच
नाशिक : विधानसभा निवडणुका घोषित झाल्यानंतर महायुती आणि महाविकास आघाडी यांच्यात जागा वाटपाचा पेच अजूनही अडकलेला आहे त्यात काल भाजपाने पूर्व आणि पश्चिम मतदारसंघात विद्यमान आमदारांना उमेदवारी देत “मध्य” मतदारसंघासाठी थांबा आणि वाट पहाची भूमिका घेतली तर तिकडे लोकसभा निवडणुकीत महाविकासआघाडीला मिळालेले यश बघता विधानसभेची निवडणूक महाविकास आघाडीकडून लढण्यासाठी इच्छुक उमेदवारांची रांग लागल्याने नाशिक शहरातील मतदारसंघ आपल्या ताब्यात ठेवण्यासाठी राष्ट्रवादी शरद पवार गट, शिवसेना ठाकरे गट व कॉग्रेस यांच्यात मोठ्याप्रमाणात रस्सीखेच सुरू असल्याचे चित्र आहे त्यात गेल्या विधानसभेच्या निवडणुकीत राष्ट्रवादीचे जिल्ह्यात सहा जागांवर आमदार निवडणून आल्याने (राष्ट्रवादी एकसंघ असताना) राष्ट्रवादी शरद पवार गटाने या जागांवर आपला दावा ठोकला आहे. यामध्ये सूत्रांच्या माहितीनुसार नाशिक पूर्व, देवळाली, येवला, सिन्नर बागलाण या जागा महाआघाडीत राष्ट्रवादी शरद पवार गटाकडे जाणार असल्याचे समजते मात्र महाविकास आघाडीत मध्य मतदारसंघावरून शिवसेना ठाकरे गट व कॉग्रेस मध्ये मोठ्या प्रमाणात घमासान सुरू असल्याने इतर जागा वाटप रखडल्याचे चित्र आहे मध्य मध्ये वसंतराव गिते यांच्यासाठी उद्धव ठाकरे यांनी आपली प्रतिष्ठा पणाला लावली असून कॉग्रेस कडे इच्छुकांची रांग असल्यामुळे कॉग्रेस देखील मागे हटायला तयार नसल्याचे कळते .जर देवळाली मतदार संघ राष्ट्रवादी शरद पवार गटाकडे गेल्याचे समजत असून मग इतक्या दिवसांपासून शिवसेना ठाकरे गटाकडून तयारी करणारे योगेश घोलप यांचे काय ? हाही प्रश्न उभा राहत असल्याने योगेश घोलप महाविकास आघाडीतील शरद पवार गटात प्रवेश करून निवडणूक लढू शकतात त्याचबरोबर राजश्री अहिरराव या देखील देवळाली साठी शरद पवारांच्या संपर्कात असल्याचे समजते त्यामुळे येत्या दोन दिवसात चित्र स्पष्ट होणार असून कोण मित्र पक्षात प्रवेश करतो, कोणाला उमेदवारी मिळते हे पाहणे महत्वाचे ठरेल .
