लोकसभेप्रमाणे विधानसभेत देखील मोठे मताधिक्य देणार कॉग्रेसच्या बैठकीत निर्धार
नाशिक : झालेल्या लोकसभा निवडणुकीत महाविकास आघाडीने एकत्रितपणे काम केल्याने मोठे यश मिळाले आता राज्यात देखील महाविकास येण्यासाठी त्याचबरोबर भयमुक्त नाशिक साठी कॉग्रेस या विधानसभेच्या निवडणुकीत पूर्ण ताकदीने व एकत्रितपणे उतरली असून मध्य मतदारसंघातील महाविकास आघाडी व ठाकरे गटाच्या शिवसेनेचे उमेदवार वसंत गिते यांच्या विजयासाठी कॉग्रेस पूर्णपणे सज्ज झाली असल्याची ग्वाही शहर व जिल्हा कॉग्रेसच्या बैठकीत देण्यात आली . नाशिक मध्य मतदारसंघासाठी महाविकास आघाडीचे उमेदवार वसंत गिते यांच्या प्रचारासाठी कॉग्रेस कमेटीत बैठकीचे आयोजन करण्यात आले होते. यावेळी बोलताना वसंत गिते म्हणाले आपले शहर भयमुक्त करण्यासाठी संघटितपणे निवडणुकीला सामोरे जावे लागेल त्याचबरोबर शहरातील तरुणांसमोर बेरोजगारीचा प्रश्नही गंभीर आहे तो सोडवण्यावर माझा भर असल्याचे गिते म्हणाले या यावेळी कॉग्रेस शहराध्यक्ष आकाश छाजेड यांनी कॉग्रेस पक्ष ठाममपणे वसंत गिते यांच्या पाठीशी उभा असल्याचे सांगितले.
बैठकीला खा. डॉ शोभा बच्छाव, खा राजाभाऊ वाजे, कॉग्रेस शहराध्यक्ष आकाश छाजेड,, कॉग्रेसचे राहुल दिवे, राजेंद्र बागुल, बबलू खैरे, विनायक पांडे, यतीन वाघ दत्ता गायकवाड, सुधाकर बडगुजर, सिराज कोकणी वत्सलाताई खैरे,उल्हास सातभाई, समीर कांबळे, सुभाष नहार स्वाती जाधव आदी उपस्थित होते
