दिला शिवसेना स्टाईलने आंदोलनाचा इशारा
नाशिक : इंदिरानगर परिसरातील कायम वीज जाण्यामुळे परिसरातील नागरिकांना मोठ्या समस्यांना सामोरे जावे लागत असून सुरवातीला भाजपा आणि आता शिवसेना ठाकरे गट रस्त्यावर उतरले असून काही दिवसांपूर्वी विजप्रश्नावर नागरिक आणि महावितरणच्या अधिकाऱ्यांची बैठक राजसारथी येथे शिवसेना ठाकरे गटाच्या पदाधिकाऱ्यांनी आयोजित केली असताना नागरिक उपस्थित होते तर महावितरणच्या अधिकाऱ्यांनी बैठकीला दांडी मारली होती यामुळे नागरिकांमध्ये संतप्त प्रतिक्रिया उमटल्या होत्या. त्यानंतर आज ठाकरे गटाच्या पदाधिकाऱ्यांनी खासदार राजाभाऊ वाजे यांच्या नेतृत्वात नाशिकरोड येथील महावितरणचे अधीक्षक पडळकर यांची भेट घेऊन जाब विचारण्यात आला . इंदिरानगर, कमोदनगर, वडाळागाव व इतर परिसरातील विद्युत पुरवठा गेल्या अनेक वर्षांपासून सारखा खंडित होत असल्याने नागरिकांना मानसिक त्रास व आर्थिक नुकसान सहन करावे लागत आहे. प्रत्येक तासाला वीजपुरवठा खंडित होत असल्याने टीव्ही, फ्रीज, वॉशिंग मशीन आदी साहित्य जळत आहे. यावेळी पडळकर यांच्याबरोबर चर्चा करत ही समस्या लवकर न सोडवल्यास शिवसेना स्टाईलने आंदोलन करण्याचा इशारा यावेळी देण्यात आला यावेळी खासदार राजाभाऊ वाजे, जिल्हाप्रमुख सुधाकर बडगुजर,माजी आमदार वसंतराव गिते, माजी महापौर विनायक पांडे,मसूद जिलानी, योगेश देशमुख, सुनील जाधव, कृषी वर्मा रमेश पठाण आदी उपस्थित होते
