आमदार,मा,नगरसेवक भेटणार महावितरणच्या अधीक्षक अभियंत्यांना…….
नाशिक :काल रात्री भारतनगर, वडाळा, दीपालीनगर, विनयनगर,साईनाथ नगर, इंदिरानगर येथील अर्धा भागात काल रात्री 10 ते सकाळी 10 वाजेपर्यंत वीजपुरवठा खंडित झाल्याने नागरिकांना ,लहान मुलांना कसा त्रास सहन करावा लागला आणि हा त्रास एका दिवसाचा नसून अनेक वर्षांपासून होत असताना देखील परिसरात सत्ताधारी पक्षाचे चार नगरसेवक, सत्ताधारी पक्षाच्याच आमदार व काही महिन्यांपूर्वी याच परिसरातील महापौर असताना हा प्रश्न सुटू शकत नाही हेच इंदिरानगरवासीयांचे दुर्दैव म्हणावे लागेल ही बातमी आज दुपारी “न्यूज ब्लँक अँड व्हाइटच्या” वतीने टाकण्यात आल्यानंतर या मुद्यांवरून इंदिरानगर परिसरात मोठ्या प्रमाणात राजकारण तापले असून उद्या तातडीने नाशिकरोड परिसरातील महावितरणच्या कार्यालयात अधीक्षक अभियंता श्री पडळकर याची भेट आमदार देवयानी फरांदे घेणार असून हा प्रश्न मार्गी लावण्यासाठी प्रयत्न करणार आहेत. यावेळी मा .नगरसेविका दीपाली कुलकर्णी, मा.नगरसेवक अजिंक्य साने, मा .नगरसेवक सतीश कुलकर्णी , मा.नगरसेवक शाम बडोदे, मा .नगरसेविका रुपाली निकुळे, यशवंत निकुळे, सुनील देसाई, हेरंब सोनटक्के उपस्थित राहणार असून ,हाच प्रश्न निकाली काढण्यासाठी राष्ट्रवादी कॉग्रेसचे रमिझ पठाण व ठाकरे गटाचे ऋषी वर्मा यांनी देखील कंबर कसली असून त्यांच्या वतीने अधीक्षक अभियंता यांना सर्वपक्षीय निवेदन देण्यात येणार आहे. तर वारंवार वीज पुरवठा खंडित होत असल्याने विनयनगर परिसरात ठाकरे गटाचे प्रवीण जाधव यांनी परिसरातील नागरिकांची बैठक बोलावली होती. तर मनसेच्या वतीने धीरज भोसले हे देखील या प्रश्नांवर रस्त्यावर उतरण्याच्या तयारीत आहेत. एकंदरीत न्यूज ब्लँक अँड व्हाइटच्या बातमीचा दणका बसला असून आता इंदिरानगरच्या नागरिकांच्या संयमाचा अंत न पाहता हा प्रश्न फक्त कागदपत्रांपुरता मर्यादित न राहता मार्गी लागणे गरजेचे आहे.
