मात्र विजय करंजकर, आ.योगेश घोलप यांची बैठकीला दांडी
नाशिक: लोकसभा निवडणुकीत नाशिकच्या जागेसाठी उद्धव गटाचा शिवसेना उमेदवार घोषित केल्यानंतर इंडिया तथा महा विकास आघाडीची बैठक झाली. मात्र बैठकीला विजय करंजकर आणि माजी आमदार योगेश घोलप यांनी दांडी मारली, त्याचप्रमाणे कॉग्रेसचे इगतपुरीचे आमदार हिरामण खोसकर देखील बैठकीला अनुपस्थित ते छगन भुजबळ समर्थक म्हणून ओळखले जात असल्याने हा चर्चेचा विषय ठरला. उद्धव ठाकरे गटाच्या वतीने सिन्नरचे माजी आमदार राजाभाऊ वाजे यांना उमेदवारी देण्यात आली आहे. त्यामुळे नाशिक लोकसभा संघटक विजय करंजकर हे नाराज झाले असून ते बंडखोरीच्या तयारीत असल्याचे समजते. वाजे यांना उमेदवारी मिळाल्यानंतर करंजकर समर्थकांचा मेळावा झाला त्यावेळी त्यांनी नडणार आणि लढणार अशी घोषणा दिली होती नंतर ते पक्षप्रमुख उद्धव ठाकरे यांना भेटणार आहेत. परंतु अद्याप ते भेटले नसले तरी त्यांची नाराजी दूर झाली नसल्याचे स्पष्ट झाली आहे मुंबई आग्रा महामार्गा वरील एका हॉटेलमध्ये झालेल्या इंडिया आघाडीच्या बैठकीस करंजकर उपस्थित नव्हते. त्याचबरोबर देवळाली मतदार संघाचे माजी आमदार योगेश घोलप देखील अनुपस्थित होते वाजे यांना उमेदवारी घोषित झाल्यानंतर कर्जकार समर्थकांची जी बैठक झाली त्याला योगेश घोलप उपस्थित होते. त्यामुळेच ऐन निवडणुकीत करंजकर आणि योगेश घोलप यांची नाराजी हा चर्चेचा विषय ठरला आहे दरम्यान या बैठकीत माजी मंत्री डॉ शोभा बच्छाव नितीन भोसले, नानासाहेब बोरस्ते, राजाभाऊ वाजे, जयंत दिंडे, दत्ता गायकवाड, सुधाकर बडगुजर, विलास शिंदे, कोंडाजी मामा आव्हाड, श्रीराम शेटे, डॉ. हेमलता पाटील, भगीरथ शिंदे, अँड आकाश छाजेड, यांनी आपले मनोगत व्यक्त केली
