आपचे संयोजक अरविंद केजरीवाल यांचा नवी दिल्ली मतदारसंघातून पराभव
नाशिक : आज दिल्ली विधानसभेच्या निवडणुकीच्या मतमोजणीत भाजपाने आपला जोरदार धक्का देत तब्बल 27 वर्षांनी विधानसभेत सरकार स्थापन करण्यासाठी भाजपने जोरदार कमबॅक केले आहे.भाजपने या निवडणुकीत दणदणीत विजय मिळवला आहे. 70 जागांचे निकाल समोर आले आहेत. भाजपने 48 जागा जिंकल्या आहेत. अरविंद केजरीवाल आणि त्यांच्या पक्षाचा सुपडा साफ झाला आहे. दरम्यान भाजपच्या या दणदणीत विजयानंतर पंतप्रधान नरेंद्र मोदी संध्याकाळी भाजप मुख्यालयात जाणार आहेत. संध्याकाळी ते भाजपच्या कार्यकर्त्याना संबोधित करणार आहेत. दिल्ली विधानसभा निवडणुकीचे ट्रेंड येऊ लागले आहेत. यावेळी दिल्लीच्या ७० विधानसभा जागांपैकी ‘नवी दिल्ली’ जागा सर्वात जास्त चर्चेत आहे. नवी दिल्ली मतदारसंघातील भाजप उमेदवार प्रवेश वर्मा यांनी अरविंद केजरीवाल यांचा पराभव केला असून विधानसभा निवडणुकीत विजय मिळवला.दिल्ली विधानसभा निवडणुकीत आम आदमी पक्षाला मोठा धक्का बसला आहे. एकीकडे ‘आप’ मोठ्या पराभवाकडे वाटचाल करत असताना दुसरीकडे, दिल्लीचे माजी मुख्यमंत्री आणि आपचे संयोजक अरविंद केजरीवाल यांचा नवी दिल्ली मतदारसंघातून पराभव झाला आहे.त्याचबरोबर उपमुख्यमंत्री मनिष सिसोदिया, ज्येष्ठ नेते सत्येंद्र जैन यांनाही पराभवाची धूळ चाखायला लागली आहे. शिवसेना उद्धव ठाकरे पक्षानेही ‘आप’ला बळ दिले होते. दिल्लीत सलग तिसऱ्यांदा काँग्रेसला एकही जागा मिळाली नाही.
