कोयता आणि कुकरच्या झाकणाने वार
नाशिक : गंगापूररोड परिसरात घरातील आपापसांतील वाद पराकोटीला गेल्याने नवऱ्याने रागाच्या भरात बायकोच्या डोक्यात कोयता व कुकरच्या झाकणाने वार करून खून केल्याने परिसरात खळबळ उडाली आहे. मिळालेल्या माहितीनुसार गंगापूररोडवरील डी.के. नगर भागात असलेल्या स्वास्तिक निवास (बी-विंग) सोसायटीच्या चौथ्या मजल्यावर गोरे परिवार हे मुलासह भाडेतत्त्वावर सोसायटीत राहतात. काल मुलगा सकाळच्या सुमारास कामावर निघून गेला असता पती-पत्नी घरात एकटेच होते त्यांना दुसरीकडे राहण्यास जायचे असल्यामुळे घरात सामानाची आवरासावर सुरू असतानाच पत्नी सविता छत्रगुन गोरे (वय 45) व पती छत्रगुन गोरे (वय 50)यांच्यात जोरदार भांडण सुरू झाले. यादरम्यान गोरे यांची मुलगी मुक्ता हिला गॅसची टाकी हवी असल्याने तिने आपल्या आईला फोन केला होता .टाकी घेण्यासाठी मुक्ता सोसायटीच्या आवारात आली होती यादरम्यान ती वर गेली असता दरवाजा आतून बंद होता यावेळी छत्रगुन याने दरवाजा उघडला असता आई रक्तबंबाळ अवस्थेत रूममध्ये पडलेली दिसली यादरम्यान मुक्ता शेजारच्याकडे मदतीसाठी धावली असता छत्रगुन पळण्यात यशस्वी झाला. यावेळी छत्रगुन याने रागाच्या भरात बायकोच्या डोक्यात कुकरच्या झाकणाने प्रहार केला यामुळे सविता गोरे या रक्तबंबाळ अवस्थेत लाकडी पलंगावर कोसळल्या. सोसायटीतील लोकांनी घटनेची माहिती गंगापूर पोलिसांना कळविली. माहिती मिळताच गंगापूर पोलीस ठाण्याचे वरिष्ठ पोलीस निरीक्षक सुशील जुमडे, पोलीस निरीक्षक राजपूत यांनी पथकासह घटनास्थळी धाव घेतली. पंचनामा करून मृतदेह शासकीय जिल्हा रुग्णालयात हलविण्यात आला. मुलगी मुक्ता लिखे हिने दिलेल्या फिर्यादीवरून छत्रगुन गोरे याच्याविरुद्ध गंगापूर पोलीस ठाण्यात खुनाचा गुन्हा दाखल करण्यात आला आहे. त्याच्या शोधार्थ गुन्हे शोध पथकासह अन्य दोन पथके रवाना करण्यात आली आहेत. पतीला दारूचे व्यसन असून पती-पत्नीमध्ये सातत्याने भांडण होत असायचे हा गुन्हा छत्रगुन येणे केल्याचे प्रथम दर्शनी समोर आले आहे. त्याचा शोध घेतला जात असल्याची माहिती पोलिसांनी दिली. मुलीने इच्छेविरुद्ध लग्न केल्याने कुटुंबामध्ये सतत भांडण होत असल्याची माहिती मिळत आहे.
