न्यायालयाने दिली निवडणुकीसाठी परवानगी
नाशिक : खुनाच्या गुन्ह्यात कारागृहात असलेले भाजपचे माजी नगरसेवक संशयित उद्धव निमसे यांना तुरुंगातूनच महापालिकेच्या नगरसेवक पदाची निवडणूक लढवण्यास जिल्हा न्यायालयाने शुक्रवारी परवानगी दिली तर त्यांच्या जामीना वरील सुनावणी आता 29 डिसेंबर पर्यंत लांबली आहे. त्यामुळे निमसे व त्यांचे समर्थक आता काय व कसा निर्णय घेतात याकडे सर्वांचे लक्ष आहे.निमसेच्या जामिनास धोत्रे गटाच्या वकिलाने विरोध दर्शविला होता. राहुल संजय धोत्रे यांच्या खून प्रकरणी कारागृहात असलेले उद्धव निमसे जामीनासाठी ही प्रयत्नशील आहेत. त्यांनी 7 नोव्हेंबर रोजी जामीन अर्ज दाखल केला असून 14 नोव्हेंबर पासून नियमित सुनावणी सुरू आहे. मंगळवारी अर्जावर युक्तिवाद झाला असता धोत्रे गटातर्फे थेट न्यायधीशांवर आक्षेप नोंदविण्यात आला. हे प्रकरण प्रधान मुख्य न्यायाधीशांपर्यंत गेल्यानंतर बुधवारी पुन्हा सुनावणी झाली. संबंधित न्यायालयाने पुढील निर्णयासाठी प्रधान मुख्य न्यायाधीशांकडे विनंती केली त्यानुसार निमसे यांना कारागृहातून महापालिका निवडणूक लढवण्यास परवानगी द्यावी या मुद्द्यावर शुक्रवारी सुनावणी पार पडली तेव्हा न्यायाधीशांनी निमसे यांना कारागृहातूनच निवडणूक लढवण्यास परवानगी दिली असल्याचे अॅण्ड मनोज पिंगळे यांनी सांगितले. जगदीश पाटील यांच्या जामिनाचा फैसला 29 ला गोळीबारासह खुनाच्या प्रयत्नाच्या गुन्ह्यात कारागृहात असलेले भाजपचे माजी नगरसेवक जगदीश पाटील यांच्या जामीन अर्जावरही शुक्रवारी निर्णय होणार होता. मात्र न्यायालयाने या अर्जावर 29 डिसेंबर रोजी सुनावणी ठेवली आहे त्यामुळे जगदीश पाटील यांच्या अडचणीत वाढ झाली आहे
