कसला वादा आणि कसला दादा भुजबळ संतापले

ते तिघेच सर्व निर्णय घेतात

नाशिक : मंत्रिमंडळात स्थान न भेटल्याने संतप्त झालेले छगन भुजबळ यांनी त्यांच्यावरील अन्यायबाबत बोलत संताप व्यक्त केला राष्ट्रवादी पक्षात फक्त तिघेच निर्णय घेतात अजित पवार, प्रफुल्ल पटेल, आणि सुनील तटकरे त्यामुळे माझी लढाई ही केवळ खुर्चीसाठी नाही तर निर्णयप्रक्रियेत सहभाग हवा यासाठी आहे. मी जेव्हा शिवसेनेत होतो तेव्हापासून पक्षाच्या सर्व निर्णय प्रक्रियेत सहभाग असायचा त्यानंतर कॉग्रेस, राष्ट्रवादीतही माझ्या अनुभवाचा व ज्येष्ठतेचा सन्मान झालेला आहे. त्या सर्व पक्षांमध्ये महत्वाच्या निर्णय प्रक्रियेतील चर्चेत मत विचारले जायचे मात्र इथे काही लोकच निर्णय घेत असतात. इथे चर्चेत माझा सहभाग शून्य असतो.राष्ट्रवादीत तर नेहमी पवार साहेबांच्या बाजूलाच माझी खुर्ची असायची, त्यांच्या भाषणाआधी माझे भाषण व्हायचे.सन्मान हा उगीच मिळत नसतो पक्ष वाढवावा लागतो. मी सर्वच पक्षांमध्ये जीव धोक्यात घालून लढलो होतो आताच वर्षभराचा लढादेखील एकहाती लढलो,आता मात्र 41 आमदार निवडून आल्याने लढवय्ये काय कामाचे असे त्यांना वाटत असेल येवला मतदारसंघातील नागरिक पदाधिकाऱ्यांनी आम्हाला वाऱ्यावर सोडू नका असा आग्रह केला असून तुम्ही जो निर्णय घ्याल त्याच्या पाठीशी उभे राहणार असल्याचेही भुजबळ यांनी प्रसारमाध्यमांबरोबर बोलताना सांगितले