विरोधकांकडून मात्र दिशाभूल करण्याचा प्रयत्न– माजी महापौर सतीश कुलकर्णी
नाशिक: नाशिक शहरातील युवकांची गरज ओळखून आयटी पार्क चा प्रस्ताव मध्य नाशिक मतदारसंघाच्या आमदार प्राध्यापक देवयानी फरांदे आणि तत्कालीन महापौर सतीश कुलकर्णी यांनी सर्वप्रथम मांडला होता. त्यास मंजुरी आणली होती परंतु प्रशासकीय राजवटीमुळे हा महत्त्वपूर्ण प्रकल्प प्रलंबित आहे. राज्यात महायुतीची सत्ता पुन्हा आल्यावर या प्रकल्पाला गती देण्यात येईल असेही देवयानी फरांदे यांनी सांगितले. नाशिक मधील अनेक उच्चशिक्षित युवकांना नोकरीसाठी पुणे बंगलोर अशा शहरांमध्ये स्थलांतरित व्हावे लागते . नाशिकमध्ये आयटी पार्क नसल्यामुळेच युवकांची अशी ओढाताण होते हीच बाब लक्षात घेऊन मध्य नाशिक मतदार संघाच्या आमदार प्राध्यापक देवयानी फरांदे आणि तत्कालीन महापौर सतीश कुलकर्णी यांनी आडगाव परिसरात आयटी पार्क उभारण्याचा प्रस्तावाला मंजुरी घेतली होती. या आयटी पार्कसाठी आडगाव शिवारात 365 एकर क्षेत्रात आयटी पार्क उभारण्यासाठी सर्वप्रथम महापालिकेची स्वमालकीची 10 एकर जागा आरक्षित करण्यात आली. त्यानंतर महापालिकेने मार्च 2022 मध्ये केंद्रीय मंत्री नारायण राणे यांच्या प्रमुख उपस्थितीत आयटी परिषदही घेण्यात आली. केंद्र सरकारने या प्रकल्पाला हिरवा कंदील दाखवला असून आयटी हब उभारण्यासाठी लागणाऱ्या सर्व सुविधांसाठी वीस कोटी रुपये मंजूर केले. या संदर्भातील पाठपुरावा अजूनही सुरू आहे. महायुतीचे सरकार येताच प्राधान्यांनी आयटी पार्कच्या दिशेने पाऊले टाकले जातील भाजपने हा आयटी पार्क मंजूर केलेला असतानाही विरोधी पक्षातील नेते आपल्या भाषणांमध्ये नाशिकमध्ये आयटी पार्क करण्याबाबत दिशाभूल करणारी वक्तव्य करत आहेत असेही कुलकर्णी यांनी सांगितले.
