नाशिक : आगामी विधासभा निवडणुकीच्या पार्श्वभूमीवर शहर पोलीस आयुक्तालयाच्या हद्दीत पोलीस आयुक्त संदीप कर्णिक यांनी मनाई आदेश लागू केला आहे. आदर्श आचारसंहिता 15 ऑक्टोबरपासून सुरू झाली असून 4 नोव्हेंबरपर्यंत मनाई आदेश देखील जाहीर करण्यात आला आहे. विधानसभा निवडणुकीच्या पार्श्वभूमीवर 29 ऑक्टोबरपर्यंत नामनिर्देशनपत्र जारी करण्याची मुदत देण्यात आली आहे. यादरम्यान आगामी दीपावलीचा सण देखील येत असल्याने या कालावधीत शहरात कोठेही कायदा सुव्यवस्थेचा प्रश्न निर्माण होऊ नये यासाठी मनाई आदेश जारी करण्यात आला आहे. या कालावधीत बेकायदेशीर शस्त्र बाळगणे, वाहनांवर झेंडे लावून फिरणे,धार्मिक व जातीय तेढ निर्माण करण्याचा प्रयत्न करणे, पूर्वपरवानगीशिवाय मिरवणुका काढणे, जमाव जमविणे, सार्वजनिक शांततेला धोका निर्माण करणे, प्रतिकात्मक पुतळ्याचे दहन करणे, निर्दशने, आंदोलने, मोर्चा काढणे यावर बंदी घालण्यात आली आहे.
