ठाकरे बंधूंच्या युतीचा जल्लोष करणारे दिनकर पाटील मनसेतून निलंबित
नाशिक : महाराष्ट्र नवनिर्माण सेनेचे प्रदेश सरचिटणीस दिनकर पाटील यांनी अचानक भाजप प्रवेश करत राजकीय वर्तुळात खळबळ उडून दिली. महाविकास आघाडीच्या जागा वाटपाची नियोजन करताना आणि बुधवारी शिवसेना ठाकरे गट आणि मनसे यांच्या युतीचा निर्णय झाल्यानंतर नाशिक येथील मनसे कार्यालयात जल्लोष करणारे पेढे वाटणारे दिनकर पाटील यांनी रात्रीतून आपली निष्ठा बदलत हाती कमळ घेतल्याने अनेकांना धक्का बसला आहे. मुख्य म्हणजे आत्ता होणाऱ्या महापालिका निवडणुकीच्या पार्श्वभूमीवर दिनकर पाटील यांच्या राजकीय वजनावर आणि शब्दावर अवलंबून असलेल्या इच्छुक उमेदवारांची मोठी कोंडी झाली आहे गेल्या काही महिन्यांपासून मनसेकडून तिकीट मिळेल या अपेक्षेने तयारी करणारे अनेक इच्छुक आता मात्र संभ्रमात सापडले आहेत त्यामुळे मनसेतून इच्छुक असलेल्यांमध्ये अस्वस्थता वाढली आहे. आता आपले काय ? असा प्रश्न कार्यकर्त्यांना पडला आहे. काही इच्छुक उमेदवारांनी आधीच प्रचाराची सुरुवात केली होती. तर काहींनी आर्थिक तयारी करून ठेवली होती. दिनकर पाटील यांच्या नेतृत्वावर विश्वास ठेवून इतर पक्षांचा विचार न केलेला इच्छुकांची अवस्था मात्र आता कठीण झाली आहे. दिनकर पाटील हे मनसे संघटनेतील महत्त्वाचे पदाधिकारी मानले जात होते संघटना बांधणी कार्यकर्त्यांशी थेट संपर्क आणि नेतृत्वाशी असलेली जवळी यामुळे अनेक इच्छुक त्यांच्याकडे मार्गदर्शनासाठी जात होते. मुख्य म्हणजे विधानसभा निवडणुकीच्या वेळी दिनकर पाटील यांनी मंत्री गिरीश महाजन यांच्यावर गंभीर आरोप करीत उमेदवारीसाठी मनसेत प्रवेश केला होता. मनसेने तात्काळ त्यांना उमेदवारी दिली. परंतु पाटील पराभूत झाले त्यानंतर नाशिक मधील महत्त्वाचे पद पाटील यांना दिले गेले. पक्षाचे सर्व निर्णय पाटील यांच्याकडे होते. पक्षाचे सर्व धुरा आपल्या हाती घेतली होती मात्र त्यांनी अचानक मनसेला धक्का देत भाजपात प्रवेश केल्याने कार्यकर्ते अस्वस्थ झाले आहेत. दिनकर पाटील मनसेतून निलंबित महाराष्ट्र नवनिर्माण सेनेने पक्ष शिस्तीचे उल्लंघन केल्याच्या कारणावरून प्रदेश सरचिटणीस दिनकर पाटील यांना पक्षातून निलंबित केले आहे. दरम्यान गुरुवारी सकाळी पाटील यांनी भाजपात प्रवेश केला. मनसे अध्यक्ष राज ठाकरे यांच्या आदेशानुसार ही कारवाई करण्यात आली असून याबाबतचा अधिकृत पत्र प्रसिद्ध करण्यात आले आहे प्रसिद्ध करण्यात आलेल्या पत्रकात स्पष्ट करण्यात आले आहे की दिनकर पाटील यांच्याशी यापुढे महाराष्ट्र नवनिर्माण सेनेचा कोणताही संबंध राहणार नाही. पक्षाच्या धोरणांना आणि संघटनात्मक शिस्तीला बाधा पोहोचविणाऱ्या कृतीमुळे ही कठोर पावले उचलण्यात आल्याचे मनसे कडून सांगण्यात आले आहे
