महायुतीच्या रॅलीत महाराष्ट्र नवनिर्माण सेनेचे नेते व कार्यकर्ते मोठ्या संख्येने सहभागी
नाशिक: लोकसभेचा तिढा सुटण्यासाठी तब्बल दोन महिन्याचा कालावधी लागल्यानंतर काल महायुतीच्या वतीने शिंदे गटाचे खासदार हेमंत गोडसे यांची उमेदवारी जाहीर करण्यात आली .तर दुसरीकडे मनसेच्या झालेल्या मेळाव्यात राज ठाकरे यांनी कुठल्याही अटी-शर्ती न ठेवता पंतप्रधान नरेंद्र मोदी यांच्यासाठी महायुतीला पाठींबा जाहीर केला होता. मात्र नाशिक लोकसभेत महायुतीचा उमेदवारच जाहीर होत नसल्याने मनसेच्या गोटात देखील शांततेचे वातावरण होते. मात्र हेमंत गोडसे यांची उमेदवारी जाहीर होताच सोशल मीडियावर मनसे कार्यकर्त्यांनी शुभेच्छा व्यक्त करत आज झालेल्या महा रॅलीत सहभाग नोंदविला यावेळी मनसेचे झेंडे आणि राज ठाकरे यांचा फोटो रथावर लावण्यात आल्याने मनसे कार्यकर्ते खुश होते. यावेळी मनसे कार्यकर्त्यानी “मनसे-मनसे हेमंत गोडसे” नावांनी जोरदार घोषणाबाजी केली. यावेळी मनसे नेते, अभिजित पानसे, अशोक मुतडक, सलीम मामा ,रतनकुमार इचम, अंकुश पवार, सुदाम कोंबडे, सुजाता डेरे,धीरज भोसले,रोहन देशपांडे, बंटी कोरडे, गौरी सिन्नरकर-सोनार, रोहन कुलकर्णी,निखिल सरपोतदार आदींसह कार्यकर्ते मोठ्या संख्येने सहभागी झाले होते.
