हे खपवून घेतले जाणार नाही पोलिसांचा गुन्हेगारांना इशारा
नाशिक : गोली मार भेजेमे…. कल्लू मामा… हे वाक्य (गाणे) काही वर्षांपूर्वी चित्रपटात पार्टी करताना गुन्हेगारी प्रवृत्तीचे गुन्हेगार म्हणताना दिसायचे, मुंबई शहरातील अंडरवर्ल्ड मुंबई पोलिसांनी अगदी व्यवस्थित संपवली मात्र त्यानंतर राजकीय आशीर्वाद लाभलेले गुंड समाजात वावरू लागले यांच्याकडील महागड्या गाड्या, तरुणांमध्ये वाढती क्रेज, यामुळे हे गावगुंड तरुणांच्या गळ्यातील ताईत बनू पहात आहेत.याचे उदाहरण म्हणजे पुण्यातील गुंड गजा मारणे, जेल मधून सुटल्यानंतर याच गजा मारणे याने आपल्या समर्थकांसह पुण्यात मोठे शक्तिप्रदर्शन करत मिरवणूक काढली होती त्यात कारसह दुचाकीवाले देखील मोठ्या प्रमाणात सहभागी झाले होते ते चित्र पाहून नाशिककरांनी संताप व्यक्त केला होता .मात्र याच वाढत्या नाशिकची पाऊले हळूहळू पुणे, मुंबईच्या दिशेने पडू लागली आहेत. आधीच नाशकात गुन्हेगारी मोठ्या प्रमाणात वाढलेली त्यात खून तर नित्याचेच आता मात्र पुण्यापाठोपाठ नाशिक शहरात देखील कारागृहातुन सुटलेले गुंड आपल्या समर्थकांसह मिरवणूक काढून गावभर फिरू लागल्याने नाशिककरांच्या पायाखालची जमीनच सरकली मात्र नाशिक पोलिसांनी देखील कायद्याच्या दंडुका उगारून हे पुणे नाही तर नाशिक असल्याचे दाखवून देत हे खपवून घेतले जाणार नसल्याचा इशाराच दिल्याने नागरिकांनी समाधान व्यक्त केले .
मिळालेल्या माहितीनुसार एमपीडीए अंतर्गत हर्षद सुनील पाटणकर हा शिक्षा पूर्ण करून मंगळवारी कारागृहातुन सुटला असता त्याच्या टोळीच्या सदस्यांनी मोटार सायकलवर मोठं-मोठ्याने घोषणा देत वाहनांचे कर्ण-कर्कश हॉर्न वाजवत विना परवानगी वाहन रॅली व पायी मिरवणूक काढली. यावेळी हुल्लडबाजी करत जोरदार घोषणा देण्यात आल्या यामुळे पोलीस आयुक्तांच्या आदेशाचे उल्लंघन करून जनमानसात भीती निर्माण केली म्हणून सरकारवाडा पोलीस ठाण्यात मुख्य संशयित आरोपींसह इतर सात जणांवर गुन्हा दाखल करण्यात येऊन त्यांना चौकशीसाठी पोलीस ठाण्यात आणण्यात आले होते. त्याचबरोबर ज्यांच्यावर गुन्हे दाखल करण्यात आले होते जे मिरवणूकित सहभागी झाले होते ते दोघेही तडीपार असून त्यांच्यावर विविध गुन्हे दाखल आहेत. मुख्य म्हणजे पुण्यात ज्या गज्या मारणे या कुख्यात गुंडाने जेलमधून बाहेर पडल्यानंतर मिरवणूक काढली होती त्यावेळी देखील तत्कालीन आयुक्त संदीप कर्णिक यांनी मारणे टोळीवर कठोर कारवाई केली होती. आणि आता देखील नाशिकचे पोलीस आयुक्त संदीप कर्णिक यांनी ही कारवाई करत पुणे पॅटर्न नाशकात चालणार नसल्याचा इशाराच दिला असून या कारवाईची माहिती पोलिसांनी सोशल मीडियावर देखील शेअर केली आहे.
