फार्म हाऊस मधील कृत्य एसआयटीच्या हाती
नाशिक : नाशिकमधील भोंदू अशोक खरात प्रकरणात आता एकामागून एक धक्कादायक खुलासे विशेष तपास पथकाच्या तपासात समोर येत असून खरातच्या फार्महाऊसमधून अश्लील आणि संशयास्पद व्हिडीओ मिळाल्याने या प्रकरणाला आणखी गंभीर वळण मिळालं आहे. मात्र या सगळ्या प्रकरणात सर्वात महत्त्वाची भूमिका एका ‘कुक’ने बजावल्याचे समोर आले आहे. मिळालेल्या माहितीनुसार खरातला जेव्हा एका कूक ची फार्म हाऊस वर गरज होती तेव्हा ही बाब खरात ने पोफळे यांच्या चालकाला सांगितली होती. चालकाने पोफळे यांच्या कानावर ही बाब सांगतात खरात विरोधात तक्रार करणारा ललित पोपळे यांनी आपला विश्वासू असलेल्या तरुणाला खरातच्या मिरगाव येथील फार्म हाऊसवर कुक म्हणून नोकरीला लावले होते. आता हा कुकच खरातच्या काळ्या कृत्याचा साक्षीदार ठरला आहे. फार्म हाऊस वर जेव्हा खरात महिलांना घेऊन येत असे तेव्हा तो कूकला सीसीटीव्ही कॅमेरे बंद करण्याचे आदेश देत असे.मात्र संशय न येता कुकने सीसीटीव्ही कॅमेरे चालूच ठेवले आणि त्यात अनेक धक्कादायक दृश्य रेकॉर्ड झाले.खरात हा महिलांसोबत दारू पिणे,अश्लील कृत्य करणे,दोन- दोन दिवस फार्महाऊसवर राहणे हे सारे प्रकार सीसीटीव्ही कॅमेरामध्ये कैद झाले होते. ललित पोपळे हा एकेकाळी खरातचा विश्वासू सहकारी होता. मात्र तब्बल साडेआठ कोटी रुपयांची फसवणूक झाल्याने दोघांमध्ये मोठा वाद निर्माण झाला होता.त्याने खरातच्या काळ्या कृत्यांचा पर्दाफाश करण्याचे त्याने ठरविले त्यासाठीच त्याने आपल्या मर्जीतील कुक फार्महाऊसवर ठेवला. या दरम्यान खरातच्या प्रत्येक हालचालीवर बारीक नजर ठेवण्यात आली.कुकबद्दल खरातला संशय आला असता पोफळे याचा चालक दिनेश मंडलला खरातने निरोप देऊन कुकला कामावरून काढून टाकले जाईल, अशी ताकीद दिली होती. खरातचे अश्लील चाळेच नव्हे तर खरात मंदिरात व बाहेर हातचलाखी करून फसवितो आदी बाबी या कुकने टिपल्या होत्या. खराब चे काळे कारणामे बाहेर काढण्यामागे त्याचा ऑफिस बॉय निरज जाधव नंतर या कुकची देखील महत्त्वाची भूमिका राहिली आहे
