आमदार हिरेंन समोर बडगुजर आणि दिनकर पाटील यांचे तगडे आव्हान !
नाशिक : विधानसभेच्या निवडणुकांचे बिगुल वाजले आणि महायुती व महाविकास आघाडीत जागा वाटपाला सुरवात झाली. अनेक जागांवर रस्सीखेच तर कुठे मित्र पक्षांची आक्रमकता यामध्ये अजूनही जागा वाटपाचा खेळ सुरूच आहे .त्यामुळे अनेक मतदारसंघातील कोड सुटत नसताना नाशिक पश्चिम मतदारसंघातील चित्र स्पष्ट झाले आहे . आधी दुरंगी वाटणारी पश्चिमची लढत आता तिरंगी होत आहे. भाजपने आपल्या पहिल्याच यादीत विद्यमान आमदार सीमा हिरे यांना उमेदवारी दिली मुख्य म्हणजे विद्यमान आमदार सीमा हिरे यांना स्वकीयांनकडूनच उघड विरोध होऊनदेखील याकडे कानाडोळा करत पक्षाच्या प्रमुखांनी हिरे यांना संधी दिली. हिरेच्या उमेदवारीला विरोध करणारे मा नगरसेवक मुकेश शहाणे यांनी सरळ सोशल मीडियावर या उमेदवारीचा निषेध नोंदवला तर दुसरे नगरसेवक शशिकांत जाधव हे शिवसेना नेते संजय राऊत यांच्या भेटीला गेल्याचे समजते त्यांनी देखील उमेदवारी अर्ज घेतला असून ते बंडखोरी करतात की पक्ष त्यांची समजूत काढतो हे कळेलच त्याचबरोबर कैलास आहेर, प्रदीप पेशकार व इतर इच्छुक काय भूमिका घेतात ते पहाणे महत्वाचे ठरणार आहे तर हिरेच्या उमेदवारीला जोरदार विरोध करणारे माजी नगरसेवक दिनकर पाटील यांनी लोकसभेत देखील माघार घेतली होती आता मात्र हिरेंना उमेदवारी मिळाल्याचे बघताच त्यांनी आपल्या समर्थकांचा मेळावा घेत आता खूप झाले.. म्हणत त्यांनी सरळ मुंबई गाठत राज ठाकरे यांच्या उपस्थितीत महाराष्ट्र नवनिर्माण सेनेत प्रवेश करत उमेदवारी पटकावली .त्यापाठोपाठ कालच ठाकरे गटाच्या शिवसेनेच्या पहिल्याच यादीत जिल्हाप्रमुख सुधाकर बडगुजर यांच्या गळ्यात उमेदवारीची माळ पडल्याने आता पश्चिम मतदारसंघात महायुतीच्या सीमा हिरे, महाविकास आघाडीचे सुधाकर बडगुजर व महाराष्ट्र नवनिर्माण सेनेचे दिनकर पाटील यांच्यात तिरंगी लढत होणार हे निश्चित असून आता भाजपातील इतर इच्छुक असणारे बंडखोरी करतात की पक्ष त्यांना थंड करतो हे काही दिवसात कळेलच मात्र black and white न्यूज ने पश्चिम मतदारसंघात बंडखोरी होणारच ही बातमी टाकली होती ती खरी ठरली.
