“मदर ऑफ ऑल बॉम्बचा”अमेरिकेकडून वापर
वृत्तसंस्था : इराण-इस्त्रायल युद्धात अमेरिकाही उतरली असून अमेरिकेने इराणच्या तीन प्रमुख अणू उर्जा केंद्रांवर हल्ला केला आहे. फोर्डो, नतान्झ आणि इस्फहानवर या केंद्रांवर यशस्वी हवाई हल्ला केला आहे.राष्ट्राध्यक्ष डोनाल्ड ट्रम्प यांनी ही माहिती दिली.रविवारी भारतीय वेळेनुसार पहाटे ४:३० वाजता हा हल्ला करण्यात आला .इराणवरील हल्ल्यानंतर अमेरिकेचे राष्ट्राध्यक्ष डोनाल्ड ट्रम्प यांनी या हल्ल्याची माहिती देशाला दिली. “या हल्ल्यांचे उद्दिष्ट जगातील दहशतवादाला प्रायोजित करणाऱ्या पहिल्या क्रमांकाच्या देशाकडून निर्माण झालेल्या अणु धोक्याला आळा घालणे आहे. मागच्या ४० वर्षांपासून इराण इस्राइलला, अमेरिकेला संपवण्याची भाषा करत आहे. इराणने आमच्या अनेक लोकांना मारले आहे. लक्षात ठेवा, अजूनही अनेक लक्ष्ये शिल्लक आहेत,” असं डोनाल्ड ट्रम्प म्हणाले.इराणवर हल्ल्यांसाठी अमेरिकेकडून ‘B-2 स्टील्थ बॉम्बर’चा वापर केला गेला.हा बॉम्बर’ रडारच्या नजरेत येत नाही.18 हजार किलो वजनाची शस्त्रास्त्रे वाहून नेण्याची क्षमता यामध्ये आहे.हा जमिनीमध्ये 61 मीटरपर्यंत खोलवर जाऊन मारा करू शकतो.त्याचबरोबर B-2 लढाऊ विमानातून GBU-57A/B प्रकाराचे तीन बॉम्ब टाकण्यात आले.GBU-57A/B बॉम्बला MOAB अर्थात मॅसिव ऑर्डिनेस एअर ब्लास्टही म्हणतात.त्याचबरोबर याला मदर ऑफ ऑल बॉम्ब अर्थात MOAB असंही म्हणतात. हल्ल्यानंतर संतापलेल्या इराणकडून आक्रमक प्रतिक्रिया देण्यात आली आहे. आता या भागात असलेला प्रत्येक अमेरिकन नागरिक आणि अमेरिकन सैनिक आमच्या निशाण्यावर आहे,. इराणच्या सरकारी वृत्तवाहिनीवरून हा इशारा देण्यात आला आहे.दरम्यान, अमेरिकेने केलेल्या या हल्ल्यानंतर आता मध्य पूर्वेमधील तणाव आणखीनच वाढण्याची शक्यता आहे.
