बँक,शेअर बाजार, ठप्प भारतासह इतर देशांच्या विमानसेवा विस्कळीत
नाशिक : अमेरिकन तंत्रज्ञान क्षेत्रातील दिग्गज मायक्रोसॉफ्ट विंडोज चे सर्वर बंद पडल्याने जगभरातील मोठमोठ्या कंपन्यांच्या कामकाजावर याचा परिणाम झाला. अनेक देशातील विमान कंपन्यांना याचा फटका बसला याशिवाय मायक्रोसॉफ्ट क्लाऊड आवटेज मुळे बँका आणि शेअर बाजाराचे कामकाज विस्कळीत झाले. भारतात देखील इंडिगो आणि आकाशा एअरलाईनसारख्या कंपन्यांच्या कामकाजावर परिणाम झाला त्याचबरोबर मायक्रोसॉफ्टच्या प्रणालीतील तांत्रिक बिघडाचा परिणाम जगातील अनेक देशांच्या शेअर बाजारांवर झाला लंडन, ब्रिटन, ऑस्ट्रेलिया,अमेरिका या देशांवर याचा मोठा परिणाम बघावयास मिळाला. भारतासारख्या देशामध्ये 1400 विमान उड्डाणे रद्द करण्यात आली तर 3 हजार विमाने उशिरा उडाली.मिळालेल्या माहितीनुसार क्राऊड स्ट्राईकच्या अपडेटनंतर जगभरात ही समस्या निर्माण झाली.लॅपटॉप वापरणाऱ्या लोकांना त्यांच्या लॅपटॉपवर अचानक निळा स्क्रीन दिसत आहे. त्याचबरोबर लॅपटॉप अचानक रिकव्हरी मोड मध्ये जात आहे .क्राऊड स्ट्राईक नेमकं आहे तरी काय ? ही एक सायबर सुरक्षा कंपनी असून जगभरातील बहुतेक संगणक आणि लॅपटॉप साठी प्रगत सायबर सुरक्षा उपाय प्रधान करते . म्हणजेच सर्व प्रकारचे सायबर हल्ले रोखते.जर तुमचा लॅपटॉपदेखील या समस्येचा बळी ठरला असेल तर घाबरण्याची गरज नाही, मायक्रोसॉफ्ट आणि क्राउड स्ट्राइक सध्या या समस्येवर काम करत आहेत. ते लवकरच तांत्रिक इशारा जारी करू शकतात.
तोपर्यंत तुम्ही तुमच्या लॅपटॉपशी कोणत्याही प्रकारे छेडछाड करू नका . सध्या कंपन्या या समस्येच्या निराकरणावर काम करत आहेत . तर दुसरीकडे सोशल मीडियात यावर मिमस तयार होत असून कामाला आराम मिळाल्याचे बघून कर्मचारी आनंद साजरा करत आहेत .
