नाशिक लोकसभेचा तिढा अखेर सुटला, उद्या होणार घोषणा….

कुठल्याही पक्षाला जागा सोडा मात्र निर्णय लवकर घ्या–छगन भुजबळ

नाशिक :लोकसभा निवडणुकीची घोषणा होऊन एक महिना पूर्ण झाला. मात्र या संपूर्ण महिनाभरात लोकसभेच्या नाशिकच्या जागेसाठी घोषणाच झाली नसून अद्यापही संभ्रम कायम आहे. ही जागा कोणत्या पक्षाला सुटणार आणि उमेदवार कोण याकडे संपूर्ण महाराष्ट्राचे लक्ष लागून असताना नाशिक शहरात उद्या होणाऱ्या पत्रकार परिषदेत महायुतीचा उमेदवार घोषित होणार आहे. नाशिक लोकसभा मतदार संघातून महाविकास आघाडीकडून ठाकरे गटाचे राजाभाऊ वाजे यांना उमेदवारी देण्यात आली मात्र महायुतीकडून उमेदवार कोण ? याबाबत खलबते सुरू आहेत. सुरवातीला शिंदे गटाला मिळणारी जागा नंतर अवघड वाटू लागली यादरम्यान नाशिक लोकसभेसाठी खा. श्रीकांत शिंदे यांनी सरळ शिंदे गटाचे हेमंत गोडसे यांची घोषणाच करून टाकली. त्यानंतर भाजपाने दावा करत नाशिक लोकसभेवर दावा सांगितला या दोन पक्षांचे भांडण सुरू असताना यामध्ये अजित पवारांच्या राष्ट्रवादीने उडी घेतली यामध्ये छगन भुजबळ यांचे नाव चर्चेत आले मुख्य म्हणजे केंद्रातील भाजपा नेत्यांनीच या नावावर जोर दिला. अशी चर्चा होती. त्यानंतर भुजबळांना विरोध मग हेमंत गोडसेंच शक्तिप्रदर्शन या सर्व घटना नाशिकरांनी बघितल्या त्यातच भाजपा कडून दिनकर पाटील, राहुल ढिकले यांचे नाव चर्चेत आले तर शिंदे गटातून अचानक अजय बोरस्ते यांचे देखील नाव आघाडीवर होते. या दरम्यान ठाकरे गटाचे नाराज असलेलेविजय करंजकर यांचे नाव देखील चर्चेत राहिले मुख्य म्हणजे पक्षप्रमुख उद्धव ठाकरे यांनी दोनदा बोलावून सुद्धा विजय करंजकर हे ठाकरेंना न भेटल्याने त्यांनी नाशिक लोकसभेसाठी शिंदे गटाची वाट तर नाही ना निवडली याबाबत जोरदार चर्चा आहे. आज श्री राम नवमी निमित्त श्री काळाराम मंदिरात रामाचे दर्शन घेतल्यानंतर छगन भुजबळ प्रसारमाध्यमांबरोबर बोलताना म्हणाले कुठल्याही पक्षाला जागा सोडा मात्र 20 मे च्या आधी काय तो निर्णय घ्या, जागा कुठल्याही पक्षाला सुटली तरी महायुती म्हणून प्रचार करणार असल्याचे भुजबळ म्हणाले, यावेळी दर्शनासाठी आलेल्या हेमंत गोडसे यांनी देखील भुजबळांचे आशीर्वाद घेतले. यादरम्यान शिंदे गटाचे मंत्री दीपक केसरकर म्हणाले उद्या नाशिक शहरात आमची महायुतीची संयुक्त पत्रकार परिषद असून यावेळी नाशिक लोकसभा मतदारसंघाचा उमेदवार घोषित होणार असल्याचे ते म्हणाले.याबाबत मुख्यमंत्री, आणि दोन्ही उपमुख्यमंत्री यांच्या बरोबर चर्चा झाली असल्याचेही केसरकर म्हणाले.