झाडामुळे अपघात झाल्याची परिसरात चर्चा
नाशिक : नाशिकमधील पंचवटी परिसरात पहाटे तीन वाजेच्या दरम्यान भीषण अपघात झाला. या अपघातात एकाचा जागीच मृत्यू झाला असून तीनजण गंभीर जखमी आहेत. मिळालेल्या माहितीनुसार नाशिकच्या पंचवटी परिसरातील अमरधामच्या मागील बाजूस कावळ्याला घास भरवण्याच्या काही अंतरावर पहाटे 3 वाजेच्या सुमारास होंडा सिटी कारचा भीषण अपघात झाला या घटनेत 1 जण ठार तर तिघे गंभीर जखमी झाले आहेत. आज गुरुवारी रोजी पहाटे 3 वाजता हा अपघात झाला असून, वाहनचालकाचे टन असलेल्या ठिकाणी कारवरील नियंत्रण सुटल्याने गाडी झाडावर आदळल्याची प्राथमिक माहिती आहे. हा अपघात इतका भीषण होता की कारचा अक्षरशः चक्काचुर झाला असून गाडीचे एक टायरही निखळून काही अंतरावर फेकले गेलं होते.दरम्यान, या कारमधील सीएनजी देखील लीक झाला होता. मात्र अग्निशमन पथक वेळीच पोहोचले आणि लिकेजवर नियंत्रण मिळवले. या अपघातात कारचा चक्काचुर झाला आहे.या अपघातात सूरज संजय यादव (वय 21, रा. सौभाग्य नगर, देवळाली कॅम्प, नाशिक) याला चेहऱ्याला, डोक्याला आणि पायाला गंभीर मार लागल्याने उपचाराआधीच त्याचा दुर्दैवी मृत्यू झाला असल्याची माहिती मिळत आहे. तर या संपूर्ण घटनेबाबत पंचवटी पोलीस अधिक तपास करत आहेत. या अपघाताची भीषणता इतकी होती की अतिशय शांत असलेल्या या रस्त्यावर भल्या पहाटे मोठा आवाज झाल्याचे नागरिक सांगतात. कारचा वेग जास्त असू शकल्याने आणि वळणाचा भाग आल्याने व अचानक झाड दिसल्याने करचालकाचे कार वरील नियंत्रण सुटल्या मुळे अपघाताची शक्यता व्यक्त होत असून या झाडांमुळे या ठिकाणी अनेकदा अपघात होत असल्याची माहिती परिसरातील नागरिकांनी ब्लॅक अँड व्हाइट मीडियाला दिली.कावळ्याला घास भरवण्यासाठी या ठिकाणी मोठी गर्दी असते. हा अपघात दिवसा झाला असता तर या ठिकाणी अधिक प्रमाणात प्राणहानी झाली असती.
