दोघे संशयित पोलिसांच्या ताब्यात
नाशिक : शहरात खुनाचे सत्र सुरूच असून नाशिकरोड, पंचवटी, सिडको, बोधलेनगर नंतर आता सातपूर परिसरात खुनाची घटना घडली असून सातपुरच्या प्रबुद्धनगर परिसरात मध्यरात्रीच्या सुमारास कंपनीत निघालेल्या कामगाराचा धारदार शस्त्राने खून करण्यात आल्याची घटना घडल्याने परिसरात दहशतीचे वातावरण आहे. मिळालेल्या माहितीनुसार संजय पुंडलिक जाधव (रा अशोकनगर, सातपूर) हे सातपूर औद्योगिक वसाहतीतील सिएट कंपनीतील नॉन ट्रक विभागात गेल्या 30 वर्षांपासून कायम कामगार म्हणून नोकरीला होते. या आठवड्यात त्यांची रात्रपाळी सुरू होती. त्यामुळे ते रविवारी मध्यरात्री अडीच वाजेच्या दरम्यान रात्रीपाळी साठी कामावर हजर होण्याकरिता घरातून निघाले मात्र मध्यरात्री प्रबुद्ध नगर परिसरात त्यांचा धारदार शस्त्राने खून करण्यात आला. मध्यरात्री ही घटना घडल्या नंतर सोमवारी सकाळी स्थानिक नागरिकांनी मूर्तदेह बघितल्यानंतर पोलिसांना कळवले. पोलिसांनी लागलीच घटनास्थळी धाव घेतली. हल्लेखोरांनी जाधव यांच्या शरीरावर एकापेक्षा जास्त वार केल्याचे तपासात समोर आले आहे पोलिसांनी सीसीटीव्ही फुटेज चेक करत संशयित अमित जाधव (रा श्रमिक नगर )अनिल गांगुर्डे (रा प्रबुद्ध नगर) या दोघा संशयितांना ताब्यात घेतले असून संशयितांची गुन्हेगारी पार्श्वभूमी,खुनाचे कारण, इतर कोणी सहभागी आहे का हत्यार कुठे लपवले याचा सातपूर पोलीस शोध घेत असून मुख्य म्हणजे संजय जाधव हे कंपनीकडे न जाता प्रबुद्धनगर परिसरात कशासाठी गेले होते ? याचाही तपास पोलीस करत आहेत.
