होणाऱ्या पत्नीच्या ब्लॅकमेलिंग मुळे केला जीवनाचा शेवट
नाशिक : शहरात खळबळजनक घटना घडली असून आयकर अधिकाऱ्यानं लग्नापूर्वीच नववधूकडून होणारा छळ असह्य झाल्यानं आत्महत्या केल्याची घटना घडली आहे. या प्रकरणात पोलिसांनी नववधू, तिचा कथित प्रियकर आणि संशयिताविरोधात गुन्हा दाखल केला.मिळालेल्या माहितीनुसार वाराणशी येथील हरेकृष्ण पांडये (32) हे नाशिकमध्ये इन्कम टॅक्स विभागात आहेत त्यांचा साखरपुडा ठरला होता. या साखरपुड्यातच नवरीने प्रियकराला मिठी मारल्याने नवरीचं प्रेम प्रकरण हे हरेकृष्ण पांडये यांना समजले. होणाऱ्या बायकोचं अफेअर समजताच ते मानसिक तणावात गेले यानंतर त्यांनी लग्नाला नकार दिल्यानंतर नवरीने त्याला “लग्न कर नाहीतर हुंडा प्रकरणात अडकवेन”, अशी धमकी दिली. नवरीकडून येणाऱ्या धमकीमुळे हरेकृष्ण पांडये हे नैराश्यात गेले .विविध प्रकारे धमकी देत ब्लॅकमेलिंग करणं सुरू केल्याने. सततचे ब्लॅकमेलिंग आणि मानसिक त्रासाला कंटाळून पांडे यांनी टोकाचं पाऊल उचललं. लग्नाचे स्वप्न पूर्ण होण्यापूर्वीच त्यांनी आयुष्याचा शेवट करत आत्महत्या केली. पांडये यांच्या भावाने दिलेल्या तक्रारीवरून संशयित आरोपी मोहिनी पांडे (30) मुरेन्द्र पांडे (45) मयंक पांडे (28) यांच्या विरोधात आत्महत्येस प्रवृत्त केल्याप्रकरणी अंबड पोलीस ठाण्यात गुन्हा दाखल करण्यात आला आहे.
