वनविभागाने उपाययोजना करण्याची मागणी
नाशिक: शहरात आता बिबट्या नंतर तरस या प्राण्याची दहशत बसली असून वडाळागाव परिसरातील पिंगुळबाग सेंट सादिक शाळा रस्त्याच्या भागात दररोज रात्री तरसांचा कळप दिसत असल्याने नागरिकांमध्ये दहशतीचे वातावरण पसरले आहे. याठिकाणी मोठ्याप्रमाणात लोकवस्ती आहे मात्र त्याला लागूनच आर्मी एव्हीएशन ट्रेडिंग स्कुलच्या लष्करी हद्दीचा परिसर आहे या भागात मोठ्या प्रमाणात दाट जंगल असून याठिकाणी बिबट्या व इतर वन्यप्राण्यांचा वावर दिसून येतो या जंगलातून तरसांच्या जोड्या नागरिक वस्तीत घुसल्या असण्याची शक्यता असून परिसरातील नागरिकांच्या मते म्हशीच्या गोठ्यात मृत झालेली जनावरे उघड्यावर टाकून दिली जातात यामुळेच तरस याठिकाणी येत असल्याचे ते म्हणतात. वनविभागाने याबाबत उपाययोजना करण्याची मागणी परिसरातील रहिवासी करत आहेत. रात्री वडाळा परिसरात फिरणाऱ्या तरसांचा व्हिडीओ सामाजिक कार्यकर्ते “जय कोतवाल” यांनी ब्लॅक अँड व्हाईट न्यूज ला पाठवत उपाययोजना करण्याची मागणी वनविभागाकडे केली आहे
