उपनगर पोलिसांची कारवाई,चोरीच्या 10 दुचाकी हस्तगत
नाशिक : गेल्या अनेक दिवसांपासून दुचाकी चोरीने त्रस्त असलेल्या नाशिककरांना दिलासा मिळत असून दुचाकी चोरटे पोलिसांच्या जाळ्यात सापडत आहेत अशीच घटना उपनगर पोलीस ठाण्याच्या हद्दीत घडली असून उपनगर पोलिसांनी परिसरात नाकाबंदी करत स्टॉप-सर्च कारवाई केली जात असताना पुणे महामार्गावर या कारवाईतून बचाव करण्यासाठी दुचाकी चालकाने पळ काढण्याचा प्रयत्न केला होता मात्र पोलिसांनी पाठलाग करत संशयित अनिकेत उर्फ अंड्या पप्पु शार्दूल (वय 20 रा गोवर्धन) यास जेरबंद करण्यात यश मिळविले
त्याच्या ताब्यातील दुचाकी चोरीची असल्याचे लक्षात येताच पोलिसांनी त्याची कसून चौकशी केली असता त्याच्याकडून चोरीच्या 10 दुचाकी हस्तगत करण्यात पोलिसांना यश आले. त्याच्या अंगझडतीत चार मोबाईल सापडले. मुख्य म्हणजे तो चालवत असलेली दुचाकी विना नंबरप्लेटची होती. संशयित दुचाकी चोराविरुद्ध गंगापूर पोलीस ठाण्यात विहित गुन्हे दाखल आहेत अनिकेत उर्फ अंड्या पप्पू शार्दुल हा तेथे दाखल असलेल्या गुन्ह्यात फरार होता त्यांने दुचाकी चोरीची कबुली दिली असून वरिष्ठ पोलीस निरीक्षक जितेंद्र सपकाळे पोलीस निरीक्षक संजीव फुलपगारे यांनी पथकाला परिसरात रवाना केले असता दुगाव गंगापूर धरणाच्या काठालगत तो दुचाकी लपवून ठेवत होता या सर्व दुचाकी जप्त करण्यात आल्या आहेत.या कारवाईत वरिष्ठ पोलीस निरीक्षक जितेंद्र सपकाळे,पोलीस निरीक्षक संजीव फुलपगारे यांच्या मार्गदर्शनाखाली पोलीस उपनिरीक्षक प्रभाकर सोनवणे, पोलीस उपनिरीक्षक सुरेश गवळी, सहाय्यक पोलीस उपनिरीक्षक मिलिंद शेजवळ, पोलीस हवालदार विनोद लखन, इमरान शेख, संदीप हिवाळे,सुरज गवळी, सौरभ लोंढे, संदेश रंगतवान,जयंत शिंदे, सौरव गवळी, अनिल शिंदे, सुनील गायकवाड, उदय शिरसाठ व होमगार्ड कर्मचारी सहभागी झाले होते.
