भाजपच्या विधिमंडळ पक्षाच्या गटनेतेपदी देवेंद्र फडणवीस यांची निवड
नाशिक : महाराष्ट्र राज्याचा मुख्यमंत्री कोण असणार ? हे आता जवळपास निश्चित झाले असून भाजपच्या विधिमंडळ पक्षाच्या गटनेतेपदी देवेंद्र फडणवीस यांची निवड करण्यात आली आहे. गेल्या अनेक दिवसांपासून महाराष्ट्राचा मुख्यमंत्री कोण असणार यावर चर्चा सुरू होती याकडे राज्यासह देशाचे देखील लक्ष लागले होते. मात्र आता देवेंद्र फडणवीस यांच्या नावावर शिक्कामोर्तब झाला असून पक्षाच्या कोअर कमेटीच्या बैठकीत भाजपचे गटनेते म्हणून देवेंद्र फडणवीस यांचे नाव निश्चित करण्यात.केंद्रातून आलेल्या दोन निरीक्षकांच्या उपस्थित कोअर कमिटीची बैठक पार पडली. या बैठकीत देवेंद्र फडणवीस यांच्या नावाला सर्व नेत्यांनी मुख्यमंत्री पदासाठी सहमती दिली. गुजरातचे माजी मुख्यमंत्री रूपानी, अर्थमंत्री निर्मला सीतारामन,पक्षाचे प्रदेशाध्यक्ष चंद्रशेखर बावनकुळे, विनोद तावडे उपस्थित होते. यादरम्यान भाजपच्या गटनेतापदाची बैठक पार पडली. या बैठकीत देवेंद्र फडणवीस यांनी राज्यातील जनतेचे, नेत्यांचे आणि कार्यकर्त्यांचे आभार मानले. यावेळी त्यांनी मुख्यमंत्री आपणच असणार असल्याचं स्पष्टपणे सांगितलं आहे. भाजपने तीन वेळा मुख्यमंत्रिपदाची संधी दिली. त्यामुळे मी आभार मानतो, असं फडणवीसांनी म्हटलं. त्यामुळे उद्या मुख्यमंत्री म्हणून देवेंद्र फडणवीस शपथ घेतील, हे आता निश्चित झालं आहे. याआधी 2014 आणि 2019 ला मुख्यमंत्री झाले होते. आता तिसऱ्यांदा ते उद्या मुख्यमंत्रिपदाची शपथ घेतील.
