गुन्हा दाखल, उपनगर पोलिसांची धडक कारवाई
नाशिक : विधानसभेच्या निवडणुकीच्या पार्श्वभूमीवर नाशिकच्या उपनगर पोलिसांनी धडक कारवाई करत चक्क माजी नगरसेवकाच्या गाळ्यात दडविलेला अवैध मद्यसाठा जप्त करण्यात यश मिळविले.पोलीस उपायुक्त मोनिका राऊत यांनी दिलेल्या माहितीनुसार विधानसभा निवडणुकीच्या पार्श्वभूमीवर पोलीस आयुक्त संदीप कर्णिक यांनी शहरात अवैध धंद्यांविरोधात कठोर कारवाई करण्याचे आदेश दिले होते त्यानुसार पोलिसांना मिळालेल्या खात्रीशीर माहितीनुसार वरिष्ठ पोलीस निरीक्षक जितेंद्र सपकाळे, संजय फुलपगारे,प्रभाकर सोनवणे शशिकांत पवार आदींच्या पथकाने जेलरोड परिसरातील गोल्डन नेस्टसमोरील माजी नगरसेवक अशोक सातभाई यांच्या चार नंबरच्या गाळ्यावर धडक दिली यावेळी आतमध्ये दारूच्या बाटल्यांनी भरलेल्या 98 खोक्यांची थप्पी लावलेली मिळून आली या अवैध दारू बाटल्यांच्या साठ्याबाबत कुठलाही परवाना त्यांच्याकडे मिळून आला नाही अथवा त्याबाबत माहिती देता आली नसल्याने पोलिसांनी संशयित सातभाई पिता-पुत्राविरोधात उपनगर पोलीस ठाण्यात राज्य दारूबंदी अधिनियमातर्गत गुन्हा दाखल केला आहे . जप्त केलेला मुद्देमाल – व्हिस्कीच्या 1,152 सीलबंद बाटल्यांचे एकूण 24 खोके (किंमत 1,84,320) ब्लु व्हिस्कीच्या 3,552 सीलबंद बाटल्या एकूण 74 खोके (किमंत 5,68,320 रुपये)
जेलरोड दसक येथील गाळ्यात टाकलेल्या छाप्यामध्ये अवैध मद्यसाठा सापडला आहे. हा मद्यसाठा कुठून आणला व त्याचा काय वापर केला जाणार होता ? निवडणुकीच्या अनुषंगाने या मद्यसाठा करण्याचा काही संबंध आहे का ? याचाही तपास करण्याचे आदेश उपनगर पोलिसांना देण्यात आले आहे. गाळा मालकावर गुन्हा दाखल करण्यात आलेला आहे . मोनिका राऊत — पोलीस उपायुक्त
