पती-पत्नीच निघाले तस्कर
नाशिक : शहराला मोठ्या प्रमाणात एमडी ड्रग्जचा विळखा बसला असून याची पाळेमुळे खोलपर्यंत रुजली गेली आहेत मुख्य म्हणजे या ड्रग्ज तस्करचा मास्टर माईंड हा नाशिक शहरातील रहिवासी असून तो सध्या जेलमध्ये आहे तर शहरातील वडाळा गावातील छोटी भाभी देखील ड्रग्ज विक्री करत असल्याचे समोर आल्यानंतर पोलिसांनी तिच्या देखील मुसक्या आवळल्या त्याचबरोबर तिचे सहकारी त्यात संशयित इरफान शेख नूर मोहम्मद शेख (रा. वडाळा) याच्यासह करण सोनटक्के (रा. नाशिक रोड) यांना अमली पदार्थ विरोधी पथकाने (एनडीपीएस) अटक केली आहे. मात्र याची व्याप्ती संपता संपत नसून काल एमडी तस्करी प्रकरणात दोघा भावंसह एकाच्या पत्नीविरोधात नाशिकरोड पोलीस ठाण्यात गुन्हा दाखल करण्यात आला आहे. मिळालेल्या माहितीनुसार फैसल शफीन शेख, शिबान शफीन शेख या दोघा भावांबरोबर शिबान ची पत्नी हिना (रा श्रीनाथ कृपा, आटलरी सेंटर नाशिकरोड) ही नाशिकरोड परिसरात पांढऱ्या रंगाच्या कारमधून नाशिकरोड बसस्थानकाजवळून सत्कार पॉइंटकडे जात असताना त्यांना अमली पदार्थ विरोधी पथकाने थांबून त्यांच्या गाडीची झडती घेतली असता त्यात 4 लाख 97 हजार 500 रुपय किमतीचे एमडी ड्रग्ज मिळून आले या प्रकरणी दोघा भावांसह एकाच्या पत्नी विरोधात नाशिकरोड पोलीस ठाण्यात गुन्हा दाखल करण्यात आला आहे.
