उद्या ठरणार मतदारसंघासाठी विद्यमान आमदार हवा की नको ?
नाशिक : लोकसभा निवडणुकीत ‘हवेत’ असलेल्या भारतीय जनता पक्षाला मोठा धक्का बसल्यानंतर आता भाजपा कुठलीही रिस्क घेण्यासाठी तयार नसून सध्या विद्यमान आमदार असलेल्यांच्या बाबतीत पक्षाने एक वेगळी रणनीती आखल्याने विद्यमान आमदार टेन्शन मध्ये असल्याची माहिती मिळत आहे. उमेदवारी कोणाला ? यासाठी थेट गुप्त मतदान घेतल्याची माहिती मिळत आहे. तीनही मतदारसंघांसाठी वेगवेगळ्या निरीक्षकांची नाशिक शहरात भाजपाने नेमणूक केली होती. त्यानंतर स्थानिक भाजपा पदाधिकाऱ्यांनी गुप्त मतदान केले असून त्यात पूर्वसाठी 208, मध्यसाठी 162 तर पश्चिमसाठी 208 पदाधिकाऱ्यांनी मतदान केले. 1280 पदाधिकाऱ्यांना याकरता निवडण्यात आले होते. त्यानंतर भाजपा कार्यालयात ही मतदान प्रक्रिया पार पडली असून मतदानाची पेटी निरीक्षकांकडे देण्यात आली असून मुंबई येथे उद्या पसंती क्रमानुसार मतमोजणी केल्यानंतर जास्त मतदान मतदान असलेल्या तीन इच्छुकांना वरिष्ठ नेते बोलावणार असून त्याठिकाणी त्यांचे प्रगतीपुस्तक दाखविले जाणार आहे. या पद्धतीचा अवलंब गोव्यात देखील करण्यात आला होता. कार्यकर्त्यांची देखील मते जाणून घेतली पदाधिकार्यांव्यतिरिक्त कार्यकर्त्यांची देखील निरीक्षकांनी मते जाणून घेतली असून प्रत्येक कार्यकर्त्याला मतपत्रिकेवर तीन नावे लिहून तो लिफाफा बंद करण्याच्या सूचना करण्यात आल्या होत्या. त्यानुसार जवळपास १२०० कार्यकर्त्यांची मते नोंदविल्याचे समजते. मात्र या सर्व प्रक्रियेपासून आमदारांना लांब ठेवण्यात आल्याचे समजते. मात्र आपल्यालाच पसंती देण्याची विनंती विद्यमान आमदारांनी फोनवरून केल्याचे समजते.
