परिस्थिती नियंत्रणात, अफवांवर विश्वास ठेवू नका पोलिसांचे आवाहन
नाशिक : राजकीय अस्थिरतेनंतर बांगलादेशात हिंदूंवर होत असलेल्या अत्याचाराविरोधात आज नाशिकमध्ये सकल हिंदू समाजाकडून नाशिक बंद ची हाक देण्यात आली होती. या हाकेला प्रतिसाद देत नाशिक शहरातील सर्वच दुकाने बंद ठेवण्यात आली होती मात्र मिळालेल्या माहितीनुसार सकल हिंदू समाजाची रॅली जिल्हाधिकारी कार्यालयावर निघाली होती. त्यावेळी जुन्या नाशकातील भद्रकाली परिसरात दुकाने बंद करण्यावरून दोन गटातील वाद विकोपाला गेले आणि दोन्ही गट आमने-सामने आले यानंतर पोलिसांनी दोन्ही जमावाला पांगवन्याचा प्रयत्न केला यावेळी दोन्ही बाजूने तुफान दगडफेक करण्यात आली. दगडफेकीवर नियंत्रण मिळवण्यासाठी पोलिसांना लाठीचार्जचा वापर केला तसेच जमावाला हटविण्यासाठी अश्रुधुराच्या नळकांड्या देखील फोडण्यात आल्या.यामुळे मोठ्याप्रमाणात तणाव निर्माण झाला होता. या घटनेत काही पोलीस अधिकारी व नागरिक जखमी झाल्याची माहिती मिळते आहे .दरम्यान आता परिस्थिती नियंत्रणात असून नाशिककरांनी घाबरून जाऊ नये व अफवांवर विश्वास ठेवू नये असे आवाहन पोलिसांकडून करण्यात आले आहे.
