दोघे संशयित आरोपी पोलिसांच्या ताब्यात
नाशिक : शहरातील खुनाचे सत्र थांबता थांबेना आज पुन्हा पहाटेच्या (मंगळवारी) सुमारास नाशिक रोडच्या जय भवानी रोड परिसरात एका व्यक्तीची निर्घृण हत्या करण्यात आल्याने खळबळ उडाली आहे .मात्र पोलिसांनी तपासाची सूत्रे वेगाने फिरवत दोघा संशयितांना अटक करण्यात यश मिळविले. मिळालेल्या माहितीनुसार अमोल मेश्राम हा नेहमीप्रमाणे नाशिक-पुणे महामार्गावर असणाऱ्या गुरुद्वारामध्ये सेवा देण्यासाठी जात असत आज पहाटे पाच वाजेच्या दरम्यान दुचाकीवरून आलेल्या दोघा तरुणांनी त्याला अडवले.यामध्ये कुणाल सौदे (वय 21 रा. फर्नांडिस वाडी) आणि अमन शर्मा (वय 18, रा सिन्नर फाटा परिसर) यांनी जुन्या प्रॉपर्टीच्या वादातून अमोल मेश्राम याच्यावर धारधार शस्त्राने हल्ला चढविला यादरम्यान स्वतःचा बचाव करण्याच्या प्रयत्नात त्याने हातावर वार झेलले. मात्र प्रचंड रक्तस्रावामुळे त्याचा जागीच मृत्यू झाला.यादरम्यान हल्लेखोर घटनास्थळावरून फरार झाले. यादरम्यान पोलिसांनी घटनास्थळी धाव घेत माहिती घेऊन तपासाची सूत्रे वेगाने फिरविण्यास सुरवात केली. या दरम्यान उपनगर पोलीस आणि क्राईम ब्रँच युनिटने संयुक्तिक रित्या तपास सुरू केला. सीसीटीव्ही फुटेजचा आधार घेत अवघ्या काही तासात पोलिसांनी संशयित आरोपींना गजाआड केले. अमोल मेश्राम आणि कुणाल सौदे यांच्यामध्ये प्रॉपर्टीचा जुना वाद होता. तर कुणाल सौदे याच्यावर आडगाव पोलीस ठाण्यात मारहाणीचे गुन्हे दाखल असल्याची माहिती मिळत आहे तर अमन शर्मा हा शिक्षण घेत असल्याचे समजते. घटनेची माहिती मिळताच पोलीस आयुक्त संदीप कर्णिक पोलीस उपायुक्त किशोर काळे पोलीस आयुक्त सचिन बारी उपनगर पोलीस ठाण्याचे वरिष्ठ पोलीस निरीक्षक जयंत शिरसाट पोलीस ठाण्याचे वरिष्ठ पोलीस निरीक्षक सपकाळे गुन्हे शोध पथकाचे पोलीस उपनिरीक्षक प्रभाकर सोनवणे हेमंत तोरडकर यांनी घटनास्थळी धाव घेत अखेर अवघ्या काही तासात संशयित गजाआड करण्यात यश मिळविले
