चालू आर्थिक वर्षातील शेवटचा सप्ताह शेअर बाजारासाठी खडतर राहण्याची दाट शक्यता आहे. त्यामुळे गुंतवणूकदारांनी जपून पाऊले टाकायला हवीत आजपासून सुरू होणारा सप्ताह हा दोन सुट्ट्यांचा असणारा आहे त्यातच “एफ अँड ओ” ची सौदा पूर्ती असल्यामुळे बाजारावर विक्रीचे दडपण येऊ शकते. परकीय वित्तसंस्था ही वर्ष अखेरीमुळे खरेदी विक्री यापैकी कोणता निर्णय घेतात याकडे शेअर बाजाराचे लक्ष लागले आहे अमेरिकेतील जीडीपीची आकडेवारी आणि खनिज तेलाचे मूल्य याकडे बघून आगामी सप्ताहात बाजारात घट होण्याची शक्यता आहे. गेल्या दोन सप्ताह मध्ये मिडकॅप आणि स्मॉल कॅपच्या सहभागांमध्ये बरीच घसरण झाल्यामुळे बरंच समभाग आकर्षक किमतीला उपलब्ध असून त्यापैकी निवडक खरेदी करण्याचा विचार हा लाभदायक ठरू शकतो. मात्र या समभागांची खरेदी करताना ते वेगवेगळ्या क्षेत्रांमधील असल्याची खात्री करावी अन्यथा त्यामधून धोका संभवतो. गतसप्ताहामध्ये परकीय वित्त संस्थांनी मोठी विक्री केल्याने बाजाराखाली आला होता. मात्र उत्तरदात देशांतर्गत वित्त संस्थांनी मोठ्या प्रमाणात खरेदीचा जोर लावल्याने बाजार वधारला. सप्ताहच्या शेवटी सर्व महत्त्वाच्या निर्देशकांमध्ये वाढ झालेली दिसली. अमेरिकेने व्याजदरांमध्ये कपातीचे संकेत दिले असले तरी परकीय वित्त संस्थांनी मोठ्या विक्रीने आगामी वाटचालीचा सूचक इशारा दिला आहे.
