दोन्ही उपमुख्यमंत्री असलेले हेलिकॉप्टर भरकटले
नाशिक : महाराष्ट्राच्या दोन उपमुख्यमंत्र्यांना आज हेलिकॉप्टरच्या वाईट अनुभवाला सामोरे जावे लागले. मात्र यावेळी एक उपमुख्यमंत्री घाबरले होते. तर दुसरे कुल होते त्यांनी धीर दिला आणि हेलकावे खाणारे हेलिकॉप्टरचे सेफ लँडिंग झाले आणि सर्वानाच हायसे वाटले . आज नागपूर ते गडचिरोली दरम्यान प्रवासात पावसाळी ढगांमुळे उपमुख्यमंत्री अजित पवार आणि देवेंद्र फडणवीस यांचे हेलिकॉप्टर भरकटल्याची घटना घडली .या हेलिकॉप्टर मध्ये दोन्ही उपमुख्यमंत्र्यांनसोबत उद्योगमंत्री उदय सामंत आणि पार्थ पवार देखील होते . खराब हवामानामुळे दृश्यमानता कमी झाल्याने हेलिकॉप्टर भरकटले होते मात्र पायलटने प्रसंगावधान दाखवत सुखरूपपणे हेलिकॉप्टर उतरविल्याने मोठी दुर्घटना टळली. यावेळी गडचिरोलीच्या कार्यक्रमात हा किस्सा सांगताना अजित पवार म्हणाले जेव्हा आम्ही निघालो त्यावेळी खूप ढग होते. नागपुरातून उड्डाण केले त्यावेळी बरे वाटत होते मात्र गडचिरोलीजवळ आलो आणि हेलिकॉप्टर ढगात शिरले.तेव्हा माझ्या पोटात गोळा आला.मी इकडे-तिकडे पाहत होतो, सर्वजण खूप घाबरले होते. मात्र देवेंद्र फडणवीस निवांत बसले होते . त्यांना म्हणालो पहा आपण ढगात जात आहोत.तेव्हा फडणवीस म्हणाले घाबरू नका.माझे आजवर सहा अपघात झाले आहेत.पण मला कधीही काहीही झाले नाही.आणि मी हेलिकॉप्टर मध्ये असलो तर कधीच काही होत नाही. मला मात्र जमीन दिसत नसल्याने मी घाबरलो होतो आज आषाढी एकादशी असल्याने आपसूकच मी पांडुरंग पांडुरंग धावा करत होतो. त्यानंतर काही वेळात सामंत म्हणाले दादा जमीन दिसली आणि मी सुटकेचा निस्वास सोडला आणि आम्ही सुखरूप लँड झालो.हेलिकॉप्टर भरकटल्याची माहिती मिळताच प्रशासनाची चांगलीच धावपळ उडाली .
