अन्य काही महत्वाचे निर्णय
दिल्ली : वाहन चालविण्यासाठी महत्वाचे असणारे ड्रायव्हिंग लायसन्स काढण्यासाठी आरटीओत जाऊन ड्रायव्हिंग टेस्ट देणे गरजेचे होते मात्र आता ड्रायव्हिंग टेस्ट साठी आरटीओत न जाता ड्रायव्हिंग प्रशिक्षण देणाऱ्या संस्थांमध्येच ही टेस्ट देता येणार आहे . त्यासाठी ठराविक संस्थांना त्यासाठीची मान्यता दिली जाणार आहे. मात्र त्यासाठी ड्रायव्हिंग प्रशिक्षण केंद्रासाठी नवे नियम देखील घालून देण्यात आले आहे. यामध्ये किमान 1 एकर भूखंड गरजेचा (चारचाकीसाठी 2 एकर) ,ड्रायव्हिंग टेस्ट देण्यासाठी पुरेशी सुविधा, प्रशिक्षक हा किमान 12 वी उत्तीर्ण व पाच वर्षांचा अनुभव असावा, हलक्या वाहनांसाठी 4 आठवड्यात 29 तासांचे प्रशिक्षण (8 तास थेअरी,29 तास प्रात्याक्षिक) ,अवजड वाहनांसाठी 6 आठवड्यात 39 तासांचे प्रशिक्षण (8 तास थेअरी,39 तास प्रात्याक्षिक ) यासाठी ठराविक संस्थांना त्यासाठीची मान्यता दिली जाणार आहे .रस्ते परिवहन व महामार्ग मंत्रालयाने जारी केलेले नवे नियम 1 जून पासून लागू होणार आहेत. किती शुल्क लागणार ? लर्निंग लायसन्स–150 रुपये, लर्निंग लायसन्स चाचणी शुल्क–50 रुपये, ड्रायव्हिंग टेस्ट शुल्क–300 रुपये, ड्रायव्हिंग लायसन्स–200 रुपये, लायसन्स नुतनीकरण –200 रुपये, दुसऱ्या वाहनाचे अतिरिक्त लायसन्स–500 रुपये आता नवीन नियम कोणते ? 1) नव्याने ड्रायव्हिंग लायसन्स काढण्याची प्रक्रिया सुलभ केली जाणार आहे, वाहनाच्या प्रकारानुसार मोजकेच कागदपत्रे लागणार आहेत 2) वाहनचालक अल्पवयीन आढळून आल्यास 25 हजारांचा दंड ठोठावला जाईल तसेच त्यास 25 व्या वर्षापर्यंत लायसन्स दिले जाणार नाही, तसेच वाहनमालकांची नोंदणी रद्द केली जाईल 3) पर्यावरण संवर्धनासाठी प्रदूषण करणारे सुमारे 9 लाख जुने सरकारी वाहने सेवेतून बाद ठरविण्यात येणार आहे.
