डॅमेज कंट्रोल साठी स्वता मुख्यमंत्री नाशकात
नाशिक: लोकसभा मतदारसंघ हा लोकसभेच्या निवडणुका घोषित झाल्यानंतर सर्वात जास्त चर्चेत असलेला मतदारसंघ आहे सुरवातीला महायुतीत उमेदवारी कोणत्या पक्षाला ? उमेदवार कोण असणार ? याबाबत चर्चा, मग वाद, त्यानंतर नाशिकची जागा शिंदे गटाला सुटल्यानंतर व हेमंत गोडसेना उमेदवारी जाहीर झाल्यानंतर नाराजी नाट्य अजूनही सुरू आहे. काही दिवसांपूर्वी नाशिक शहरात येऊन मुख्यमंत्री शिंदे यांनी बैठका घेत नाराजी नाट्य संपवण्याचा प्रयत्न केला मात्र त्यानंतर देखील यश येत नसल्यामुळे व महायुतीचे सर्वच नेते प्रचारात सक्रिय होत नसल्यामुळे आज पुन्हा (रविवारी) डॅमेज कंट्रोल साठी मुख्यमंत्री एकनाथ शिंदे नाशिक दौऱ्यावर येत आहेत. यावेळी ते गोविंदनगर येथील मनोहर गार्डन येथे महायुतीच्या नेत्यांसह अनेक मान्यवरांच्या भेटी घेणार आहेत. त्याचबरोबर शहरातील विकासक, व्यापारी, उद्योजक यांच्या बरोबर चर्चा करणार असल्याची माहिती आहे. मागील न्यूज ब्लँक अँड व्हाइट च्या बातमीत नाशिक लोकसभेची जागा मुख्यमंत्री शिंदे यांच्या प्रतिष्ठेची असल्याचे सांगण्यात आले होते,डॅमेज कंट्रोलसाठी पुन्हा एकदा मुख्यमंत्री नाशकात येत आहे यावरून लक्षात येते हा मतदारसंघ त्यांच्यासाठी किती महत्वाचा आहे. फक्त काही दिवस शिल्लक असल्यामुळे मुख्यमंत्री शिंदे यांचा नाशिक दौरा महायुतीतील नाराजी नाट्य संपून सर्व नेत्यांना एकत्र आणण्यात यश देईल का याकडे राजकीय जाणकारांचे लक्ष लागून आहे.
