शिंदे गटाच्या शिवसेनेची मोठी खेळी
नाशिक : विधानपरिषद निवडणुकीत महायुतीतील संघर्ष उफाळून आला असून याला कारण नाशिक आणि जळगाव ठरले असून भाजप आणि शिंदे गटाची शिवसेना दोन्हीही एकमेकांचा हिशोब चुकता करण्याची अप्रत्यक्ष भाषा करत आहेत. नाशकात महायुतीमध्ये ही जागा शिंदे गटाच्या शिवसेनेच्या वाट्याला आली असून शिंदे गटाचे नरेंद्र दराडे महायुतीचे अधिकृत उमेदवार आहेत. मात्र भाजपचे नेते गणेश गीते यांचे बंधू गोकुळ गीते व भाजपचे बंडखोर प्रसाद हिरे यांनी आपला अर्ज कायम ठेवल्याने नरेंद्र दराडे आणि शिंदे गटाच्या शिवसेनेची वाट अवघड झाली आहे. त्यामुळे महायुतीत असून देखील भाजप सहकार्य करत नसल्याची भावना पदाधिकाऱ्यांमध्ये व्यक्त होत आहे. तर दुसरीकडे जळगाव येथील विधान परिषदेची जागा महायुतीमध्ये भाजपला सुटल्याने तेथे भाजपचे नंदकिशोर महाजन हे महायुतीचे अधिकृत उमेदवार आहेत मात्र याठिकाणी शिंदे गटाच्या शिवसेनेच्या रेश्मा काळे यांनी बंडखोरी करत भाजप उमेदवार नंदकिशोर महाजन यांची वाट अवघड केली आहे. जळगाव आणि नाशिक या दोन्ही ठिकाणी महायुतीतील वरीष्ठ नेत्यांनी हस्तक्षेप करून देखील या दोन्ही ठिकाणी बंडखोरांनी आपले उमेदवारी अर्ज कायम ठेवल्याने नाशकात शिंदे गटाच्या शिवसेनेचे तर जळगाव मध्ये भाजपचे टेन्शन वाढले आहे. जळगाव मध्ये मंत्री गुलाबराव पाटील यांचाच डाव राजकीय क्षेत्रात सुरू असलेल्या चर्चेनुसार जळगावमध्ये भाजपला अडचणीत आणण्याचा डाव पालकमंत्री गुलाबराव पाटील यांचाच असल्याची चर्चा असून गुलाबराव पाटील यांच्या अप्रत्यक्ष पाठिंब्या शिवाय रेश्मा काळे इतक्या ठामपणे आपला उमेदवारी अर्ज कायम ठेवू शकत नसल्याची चर्चा आहे त्यामुळे नाशकात जे घडले त्याला उत्तर जळगाव मध्ये शिंदे गटाच्या शिवसेनेने दिले असून नाशिक मध्ये शिंदे गटाच्या शिवसेनेचे उमेदवार दराडे यांना भाजपच्या बंडखोरांनी जाहीर पाठिंबा द्यावा त्यानंतरच जळगाव मध्ये भाजपच्या वाटेत असलेल्या अडचणी दूर करू असा एक प्रकारचा संदेशच शिंदे गटाच्या शिवसेनेने जळगाव मध्ये दिला असून यामुळे महायुती तणाव निर्माण होण्याची चिन्हे निर्माण झाली आहेत. मात्र संकटमोचक म्हणून ओळखले जाणारे मंत्री गिरीश महाजन यामधून कसा मार्ग काढतात याकडे राजकीय निरीक्षकांचे लक्ष लागून आहे. पालकमंत्री गुलाबराव पाटील यांनी पक्षश्रेष्ठींच्या निर्णयानुसार निर्णय घेण्यात येईल असे जरी पत्रकार परिषद सांगितले तरी याचा अप्रत्यक्ष संबंध नाशिकशी येत असल्याची चर्चा आहे
