नाशिक : मध्ये आयोजित करण्यात आलेल्या नंदिनी नदी स्वच्छता मोहिमेदरम्यान आज खळबळ उडवून देणारा प्रकार समोर आला आहे.जागतिक पर्यावरण दिनानिमित्त (५ जून) नदी स्वच्छता अभियान राबविले जात होते या अभियानात मंत्री गिरीश महाजन देखील सहभागी झाले होते. स्वच्छता अभियान उंटवाडी परिसरातील नंदिनी नदीपात्रात सुरू असताना गंजलेल्या अवस्थेतील एक पिस्तूल (गावठी कट्टा) सापडले . यावेळी एकच खळबळ उडाली. मंत्री गिरीश महाजन यांनी बारकाईने या पिस्तूलची पाहणी केली. पिस्तूल मिळताच याची माहिती तातडीने स्थानिक पोलिसांना देण्यात आली. पोलिसांनी तातडीने घटनास्थळी धाव घेत ते पिस्तूल आपल्या ताब्यात घेतले आहे.एखाद्या गुन्ह्यात वापरलेले शस्त्र लपवण्यासाठी किंवा पुरावा नष्ट करण्यासाठी अज्ञात आरोपीने ते नदीत फेकून दिले असावे, असा प्राथमिक संशय पोलिसांनी व्यक्त केला आहे.
