निदा खान सध्या फरार असून पोलीस तिचा राज्यभर शोध घेत आहेत.
नाशिक : नाशिकमधील बहुचर्चित ‘TCS’ कंपनीतील लैंगिक अत्याचार आणि बेकायदेशीर धर्मांतर प्रकरणात मोठी माहिती समोर आली आहे. बहुचर्चित ‘TCS’ कंपनीतील लैंगिक अत्याचार आणि बेकायदेशीर धर्मांतर प्रकरणाने आता एक नवे वळण घेतले आहे. या प्रकरणातील मुख्य संशयित आरोपी निदा खान हिच्याकडेच धर्मांतर घडवून आणण्याची महत्त्वाची जबाबदारी सोपवण्यात आली होती, असा संशय पोलिसांकडून व्यक्त केला जात आहे. निदा खान सध्या फरार असून पोलीस तिचा राज्यभर शोध घेत आहेत. मुंबई नाका आणि देवळाली कॅम्प पोलीस ठाण्यात दाखल असलेल्या गुन्ह्यांमध्ये निदा खान ही ‘वॉन्टेड’ आरोपी आहे. टीसीएसमधील एका पुरुष कर्मचाऱ्यासह महिला कर्मचाऱ्याचे धर्मांतर करण्याचा कट रचल्याचे पोलीस तपासात समोर आले आहे. धार्मिक भावना दुखावणे, गुंगीकारक औषधे देऊन अत्याचार करणे आणि पीडितांना धमकावणे अशा गंभीर आरोपांची टांगती तलवार निदावर आहे. एसआयटीला मिळालेल्या पुराव्यांनुसार, निदा केवळ या कटात सहभागी नव्हती, तर तिला विशिष्ट टार्गेट देण्यात आले होते. 2 एप्रिल रोजी दाखल गुन्ह्यात आतापर्यंत संशयित तौसिफ अत्तर, दानिश शेख, शाहरुख कुरेशी, रजा मेमन, या चौघांचा सहभाग निष्पन्न झाला होता. त्यांना पोलिसांनी अटक करून बारा ते पंधरा दिवसांची पोलीस कोठडी सुनावली होती या दरम्यान पोलिसांकडून झालेल्या तपासात या चौघांसह निदा खान हिने सुद्धा गुन्हेगारी स्वरूपाचा पूर्वनियोजित कटात सहभाग घेतल्याचे समोर आले आहे. फिर्यादी पुरुष कर्मचारी व आणखीन एका महिला कर्मचाऱ्यांचा धर्म परिवर्तन करण्यासाठीचा कट रचण्यात आला होता. या कटात निदा खान हिच्याकडे महिलेचा धर्म परिवर्तन करण्याची जबाबदारी सोपविण्यात आली होती. निवेदन पंचनाम्यात निदा हिचा सहभाग निष्पन्न झाल्याने पोलिसांनी या गुन्ह्यातही तिला आरोपी केले असून आता या गुन्ह्यात सुद्धा अटक होण्याची शक्यता आहे. अटकपूर्व जामीन फेटाळला
निदा खानने अटकेपासून वाचण्यासाठी जिल्हा न्यायालयात धाव घेत अटकपूर्व जामिनासाठी अर्ज केला होता. मात्र, गुन्ह्याचे गांभीर्य आणि प्राप्त झालेले पुरावे लक्षात घेता न्यायालयाने तिचा जामीन अर्ज फेटाळून लावला आहे. जामीन फेटाळल्यापासून निदा खान फरार असून, नाशिक पोलिसांची विशेष पथके राज्यभर तिचा शोध घेत आहेत. मोठ्या रॅकेटचा खुलासा होण्याची शक्यता
2 एप्रिल रोजी एका पुरुष कर्मचाऱ्याने मुंबई नाका पोलिसात फिर्याद दिल्यानंतर हे प्रकरण उजेडात आले. तपासादरम्यान तौसिफ अत्तार, दानिश शेख, शाहरुख कुरेशी आणि रझा मेमन या चौघांना अटक करण्यात आली होती. सध्या हे सर्व आरोपी न्यायालयीन कोठडीत आहेत. मात्र, निदा खान हिच्या अटकेनंतर या प्रकरणात आंतरराष्ट्रीय धागेदोरे किंवा मोठ्या रॅकेटचा खुलासा होण्याची शक्यता आहे.
