टीसीएस धर्मांतर प्रकरणात धक्कादायक माहिती उघडकीस
नाशिक : येथील एका बहुराष्ट्रीय कंपनीत समोर आलेल्या धर्मांतर आणि महिला लैंगिक अत्याचार प्रकरणात आता आणखी काही धक्कादायक बाबी समोर येत आहेत. या प्रकरणाला आता आणखी धक्कादायक वळण लागण्याची शक्यता असून प्रकरणाचे धागेदोरे थेट मलेशिया आणि मालेगावपर्यंत पोहोचले असल्याचा धक्कादायक खुलासा विशेष सरकारी सरकारी वकील अजय मिसर यांनी केला. निदा खानने पीडित मुलीचे धर्मांतर करण्यासाठी कशा प्रकारे जाळे विणले होते, याचे एकामागून एक पुरावे कोर्टासमोर ठेवले. या प्रकरणातील दुसरा आरोपी दानिश शेख याने पीडितेची शैक्षणिक आणि महत्त्वाची कागदपत्रे स्वतःच्या ताब्यात घेतली होती. ही कागदपत्रे मालेगाव येथील एका पार्टीकडे देऊन पीडितेच्या नावात बदल केला जाणार होता. तसेच पीडितेला मलेशिया येथे नोकरीसाठी इम्रान नावाच्या व्यक्तीकडे पाठवण्याची तयारीही सुरू होती. या संपूर्ण कटासाठी निदा खानला कोणी आर्थिक मदत केली का, यामागे काही देशविघातक शक्ती आहेत का, याचा तपास करणे अद्याप बाकी असल्याचे सरकारी वकिलांनी कोर्टाच्या निदर्शनास आणून दिले धर्मांतराचे प्रशिक्षण आणि ‘हनिया’ नाव
सरकारी वकिलांनी कोर्टात सांगितले की, निदा खान आणि इतर आरोपींनी पीडित महिलेचे धर्मांतर करण्यासाठी तिला बुरखा दिला होता. इतकेच नाही तर पीडितेला मोहम्मद पैगंबर यांचे पवित्र जीवन हे पुस्तक आणि धर्मांतरासाठी प्रवृत्त करणाऱ्या सोशल मीडिया लिंक्स पुरवण्यात आल्या. इस्लाम धर्माची माहिती देणारी पुस्तके आणि मोबाईलमध्ये धार्मिक शिकवण देणारी ॲप्लिकेशन्स डाऊनलोड करून दिली होती. संशयितांनी पीडित तरुणीचे नाव बदलून ‘हानिया’ असे केल्याचे उघड झाले आहे. 2 मे रोजी होणार फैसला– विशेष सरकारी वकील अजय मिसर यांनी न्यायालयात स्पष्ट केले की, निदा खान सध्या फरार असून तिचा मोबाईल जप्त करणे आणि तिने आणखी किती मुलींसोबत असे प्रकार केले आहेत, याचा शोध घेणे आवश्यक आहे. जर तिला जामीन मिळाला, तर ती साक्षीदारांवर दबाव आणू शकते. सध्या न्यायालयाने निदा खानला कोणतेही संरक्षण दिलेले नाही, त्यामुळे पोलीस तिला कधीही अटक करू शकतात. या सर्व युक्तीवादानंतर न्यायालयाने आपला निर्णय राखून ठेवला असून, येत्या 2 मे रोजी यावर अंतिम निकाल दिला जाणार आहे. सरकारी वकील म्हणून आता अॅड. मिसर– टीसीएसप्रकरणी सरकारी अभियोक्ता म्हणून किरण बेंडभर या पहिल्या सुनावणीपासून एसआयटी, तसेच सरकार पक्षाची बाजू मांडत होत्या; परंतु आता ज्येष्ठ विधिज्ञ अजय मिसर यांची नियुक्ती करण्यात आली. त्यांनी सोमवारी पहिल्यांदाच या प्रकरणात बाजू मांडली. या प्रकरणातील दुसरा संशयित दानिश शेख याने दाखल केलेला जामिनासाठीचा अर्ज न्यायालयाने बाद ठरविला. दानिश सध्या कोठडीत आहे.
